خۆڕاگری: مووسا ڕەسووڵی و سۆران محەممەدپوور، دوو هاووڵاتیی دەسبەسەرکراوی خەڵکی پیرانشار پاش پاش زیاتر لە دوو مانگ ڕاگیران بەشێوەی کاتیی ئازاد کران.
بەپێی هەواڵی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی سێشەممە، ٢٨ی ڕەشەمەی ١٤٠٣ی هەتاوی، سۆران محەممەدپوور، هاووڵاتیی دەسبەسەرکراوی خەڵكی اری پیرانشار پاش زیاتر لە ٢مانگ دەسبەسەربوون، بە دانانی بارمتەی قورس بە بڕی ٣ملیاردتمەن و بەشێوەی کاتیی تاکاتی دادگاییکردنەکەی لە بەندیخانەی نەغەدە ئازاد کرا.
ناوبراو ڕۆژی هەینی، ٧ی بەفرانباری ئەمساڵ، لەلایەن هێزە سەرکوکەرەکانی ڕێژیمەوە دەسبەسەر کرا و ماوەی ٢٠ڕۆژ لە گرتنگەیەکی ڕێژیم لێکۆڵینەوەی لەگەڵ کراوە و پاشان گوازراوەتەوە بۆ بەندیخانەی نەغەدە.
هەروەها ڕۆژی یەکشەممە، ٢٦ی ڕەشەمەی ١٤٠٣ی هەتاوی، مووسا ڕەسووڵی هاووڵاتیی دەسبەسەرکراوی خەڵكی گوندی “خوڕین”ـی سەربە شاری پیرانشار، پاش زیاتر لە ٢مانگ دەسبەسەربوون بە دانانی بارمتەی قورس بە بڕی ٣ملیارد تمەن بەشێوەی کاتیی تاکاتی دادگاییکردنەکەی لە بەندیخانەی ناوەندی شاری نەغەدە ئازاد کرا و ڕۆژی هەینی ٧ی بەفرانباری ئەمساڵ، لەلایەن چەکدارانی ڕیژیمەوە دەسبەسەر کرا.
