خۆڕاگری: سێ هاووڵاتیی دیکەی خەڵكی سەرپێڵ زەهاو بەناوەکانی “پوویا دڵجوو، یوسف ڕەنجبەر و دانا ئەحمەدی” لەلایەن هێزە سەرکوتکەرەکانی کۆماری ئیسلامییەوە دەسبەسەر کرا.
ڕۆژی دووشەممە، ٣ی بەفرانباری ١٤٠٣ی هەتاوی، ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕایگەیاند: دانا ئەحمەدی، پوویا دڵجوو و یوسف ڕەنجبەر، سێ هاووڵاتیی دیکەی خەڵکی شاری سەرپێڵ زەهاو لەلایەن هێزە داگیرکەرەکانی کۆماری ئیسلامییەوە دەسبەسەر کراون و لە ماوەی یەک حەفتەی ڕابردوودا کۆماری ئیسلامیی ئێران لەو شارە تائێستا ١١هاووڵاتیی دەسبەسەر کردووە و تائێستا چارەنووسیان ناڕوونە.
ئەو هاووڵاتییانە لە پاش دەسبەسەرکردنیانەوە تائێستا هیچ زانیارییەکی ڕاست و دروست لەسەر هۆکاری دەسبەسەربوون، شوێنی ڕاگیران و هەروەها چارەنووسیان لە بەردەستدا نییە و هەوڵ و بەدواداچوونی بنەماڵەکانیشیان بێئاکام ماوەتەوە و ناوەندە سەرکوتکەرەکانی ڕێژیمیش لەو بارەیەوە هیچ زانیارییەکیان بە بنەماڵەکانیان نەداوە.
