خۆڕاگری: محەممەد ساعیدی، مستەفا کاکایی و سووربوومە، سێ هاووڵاتیی خەڵكی سنە ماوەی نزیکەی ١٥ڕۆژە لەلایەن ڕێژیمەوە دەسبەسەر کراون و چارەنووسیان ناڕوونە.
ڕۆژی پێنجشەممە، ١٤ی خاکەلێوەی ١٤٠٤ی هەتاوی، ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕایگەیاند: محەممەد ساعیدی، مستەفا کاکایی و سووربوومە (ناوی ئاشکرا نەبووە) سێ هاووڵاتیی خەڵکی شاری سنە، لە سەرەتاکانی مانگی خاکەلێوەوە بەهۆی بەشداریکردنیان لە ڕێوڕەسمەکانی نەورۆز، لەلایەن هێزە داگیرکەرەکانی ڕێژیمی ئێرانەوە دەسبەسەر کراون و گوازراونەتەوە بۆ ئیدارەی ئیتلاعاتی ڕێژیم لەو شارە و تائێستا چارەنووسیان ناڕوونە.
ئەو سێ هاووڵاتییانە، لەلایەن هێزە سەرکوتکەرەکانی ئیدارەی ئیتلاعاتی ڕێژیم لە سنە دەسبەسەر کراون و تائێستا هیچ زانیارییەکی ڕاست و دروست لەسەر چارەنووسیان لە بەردەستدا نییە و هەوڵ و بەدوداچوونی بنەماڵەکانیشیان بێئاکام ماوەتەوە و ناوەندە سەرکوتکەرەکانی ڕێژیمیش هیچ زانیارییەکیان بە بنەماڵەکانیان نەداوە.
