خۆڕاگری: هاووڵاتییەکی خەڵكی دێلوڕان، بەناوی “فەرزاد عەبدی” لەلایەن هێزە داگیرکەرەکانی ڕێژیمی ئیرانەوە بەشێوەی دڕەندانە دەسبەسەر کرا.
بەپێی هەواڵی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی چوارشەممە، ١٣ی خاکەلێوەی ١٤٠٤ی هەتاوی، فەرزاد عەبدی، هاووڵاتیی خەڵكی شاری دێلوڕان لە پارێزگای ئیلام، بەهۆی بەشداریکردنی لە ڕێوڕەسمی نەورۆز لەلایەن هێزە داگیرکەرەکانی ئیدارەی ئیتلاعاتی ڕێژیمی ئیسلامیی ئێرانەوە بەشێوەی دڕەندانە و بە بەکارهێنانی کردەوەی توندوتیژی، دەسبەسەر کرا و گوازراوەتەوە بۆ شوێنێکی نادیار.
ناوبرا پاش بەڕێوەچوونی ڕێوڕەسمی نەورۆزی “پاڵە”، لەلایەن ژمارەیەک لە هێزە چەکدارەکانی ئیتلاعاتی ڕێژیمەوە بەشێوەیەکی دڕەندانە هەڵیانکوتایە سەری و بەتوندی لێیاندا دەستیان شکاند و دەسبەسەر کرا و ڕفاندیان بۆ شوێنێکی نادیار و تائێستا هیچ زانیارییەکی ڕاست و دروست لەسەر شوێنی ڕاگیران و چارەنووسی لە بەردەستدا نییە و هەوڵ و بەدوداچوونی بنەماڵەکەشی بێئاکام ماوەتەوە.
