![photo_2023-07-23_00-36-19](https://xoragri.com/wp-content/uploads/2024/05/photo_2023-07-23_00-36-19.jpg)
خۆڕاگری:بە پێی ئامارە تۆمار کراوەکانی ئەنجومەنی زیندانییە سیاسییەکانی ڕۆژهەڵاتی کوردستان لە یەک مانگی ڕابردوو دا، واتە مانگی بانەمەڕی ١٤٠٣ی هەتاوی ٧٩کەس لە چالاکانی سیاسی و مەدەنی لە ڕۆژهەڵاتی کوردستان لەلایەن ناوەندە ئەمنییەکانی کۆماری ئیسلامی ئێران بە تۆمەتی چالاکی مەدەنی، دژایەتی لەگەڵ کۆماری ئیسلامی و هاوکاری لەگەڵ حیزبە کوردییەکانی دژبەری کۆماری ئیسلامی ئێران دەستبەسەر و ڕەوانەی گرتنگە ئەمنییەکانی ئیدارەی ئیتلاعات کراون، کە بەشێکیان دوای تەواو بوونی لێکۆلینەوە بە بارمتەی قورس ئازاد کراون و بەشێکیان تا ئێستا لە ژێر لێکۆڵینەوە دان وچارەنووسیان ناڕوونە.
هەروەها بە پێی ئامارە تۆمارکراوەکانی ئەنجومەن لە مانگی بانەمەڕی ١٤٠٣ی هەتاوی دا، ١٢ کەس لە چالاکانی سیاسی و مەدەنی لە شارە جیاکانی ڕۆژهەڵاتی کوردستان کە پێشتر لەلایەن ناوەندە ئەمنییەکان دەستبەسەر و لێکۆلینەوەیان لێکراوە،لەلایەن دادگای بە ناو شۆڕشی کۆماری ئیسلامی ئێران کەیسەکانیان یەک لایی کراوەتەوە و سزای بەندکران و پێبژاردن و دوورخستەنەوەیان بەسەر دا سەپێندراوە.
بە شێوەیەکی گشتی ئەو سەزا دراوانە لە سەر یەک بە ٤٤ ساڵ و ٢٢ ڕۆژ بەندکرانی تەعزیری و لێدانی ٣٠ قامچی مەحکووم کراون.٢ کەس لە دەبەسەرکراوانی شوڕشی ژینا سزای ئێعدامیان بەسەر دا سەپێندراوە و هەروەها ٢ کەس لە بەندکراوانی ئاینی بە ناوەکانی خەسرو بەشارەت و ئەنوەر خزری دوای پازدە ساڵ مانەوە لە زیندان سزای سێدارەکەیان جێبەجێ کرا.
ئەوەی جێگای سەرنجە لە مانگی ڕابردوو دا دەیان کەس لە چالاکانی سیاسی و مەدەنی بۆ جێبەجێ کردنی حوکمەکانیان دەسبەسەر و ڕەوانەی بەندیخانەکان کراون و هەروەها پێشێلکارییەکانی مافی مرۆڤ لە ئێران و ڕۆژهەڵاتی کوردستان لە لایەن کۆماری ئیسلامی بەردەوامە و ڕۆژبەڕۆژ لە زیاد بوون دایە.
![](https://xoragri.com/wp-content/uploads/2024/05/photo_2024-05-21_10-54-51-843x1024.jpg)
![](https://xoragri.com/wp-content/uploads/2024/05/photo_2024-05-21_10-54-56-891x1024.jpg)
![](https://xoragri.com/wp-content/uploads/2024/05/photo_2024-05-21_10-55-02-925x1024.jpg)
![](https://xoragri.com/wp-content/uploads/2024/05/photo_2024-05-21_10-55-11-687x1024.jpg)
![](https://xoragri.com/wp-content/uploads/2024/05/photo_2024-05-21_10-54-31-1.jpg)