بەپێی هەواڵی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی چوارشەممە ٥ی ڕەزبەری ١٤٠٢ی هەتاوی هاووڵاتییەکی خەڵکی گوندی کەسنەزانی سەر بە شاری دیواندەرە بە ناوی “سەید بەهادین حوسێنی ” لە ماڵەکەی خۆی لە لایەن هێزە سەرکووتکەرەکانی کۆماری ئیسلامی ئێران دەسبەسەر و گواستراوەتەوە بۆ شوێنێکی نادیار.
هێزە سەرکووتکەرەکانی کۆماری ئیسلامی لە کاتی دەسبەسەر کردنی ناوبراو بە شوەیەکی دڕندانە هەلیانکوتاوەتە سەر ماڵی ناوبراو تەنانەت هاوژین منداڵەکانیشیان بەر لێدان کەوتوون و سووکایەتیان پێ کردوون.
تا ئێستا هیچ زانیارییە لە هۆکاری دەسبەسەر کردن و شوێنی ڕاگیرانی لەبەر دەست دا نییە.
