خۆراگری: حوسێن ئەمیری و یەدێ سەرمەستی، دوو هاووڵاتیی دەسبەسەرکراوی خەڵکی دێولان ماوەی حەوتوویەکە لەلایەن ڕێژیمەوە دەسبەسەر کراون و چارەنووسیان نادیارە.
بەپێی هەواڵی ماڵپەڕی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕژانی پێنجشەممە، و هەینی، ١٨ و ١٩ی بەفرانباری ١٤٠٤ی هەتاوی ” ٨ و ٩ی جانیوەری ٢٠٢٦ی زایینی” حوسێن ئەمیری و یەدێ سەرمەستی، دوو هاووڵاتیی خەڵكی شاری دێولان لەلایەن هێزە سەرکوتکەرەکانی ڕێژیمی ئێرانەوە بەبێ بوونی هیچ بەڵگەیەکی قەزایی و یاسایی دەسبەسەر کراون و گوازراونەتەوە بۆ شوێنێکی نادیار و چارەنووسیان ناڕوونە.
ئەو دوو هاووڵاتییە سەرەڕای تێپەڕبوونی نزیکەی دوو حەوتوو بەسەر دەسبەسەرکردنیادا، تائێستا هیچ زانیارییەکی ڕاست و دروست لەسەر هۆکاری دەسبەسەرکردن، شوێنی ڕاگیران و چارەنووسیان لەبەردەستدا نییە و هەوڵ و و بەدوداچوونی بنەماڵەکانیشیان بێئاکام ماوەتەوە و ناوەندە سەرکوتکەرەکانی ڕژیمیش لەو بارەیەوە هیچ زانیارییەکیان بە بنەماڵەکانیان نەداوە.
Be the first to comment