خۆڕاگری: جەوهەر هەرکی، شاخەوان و چالاکوانی ژینگەپارێزیی خەڵكی شنۆ لەلایەن دەزگای قەزایی ڕێژیمی ئێرانەوە، سزای ١٠مانگ بەندکردنی بەسەردا سەپێندرا.
بەپێی هەواڵی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی دووشەممە، ١٦ی پووشپەڕی ١٤٠٤ی هەتاوی، جەوهەر هەرکی، شاخەوان، چالاکوانی ژینگەپارێزی و چالاکی کولتووری بواری زمانی کوردیی خەڵكی شاری شنۆ، لەلایەن دادگای ئینقلابی ئیسلامیی ڕێژیمەوە بەسەرکایەتی قازی “عەلی ئەنساری” بەتۆمەتی پڕوپاگەندە بەدژی حکوومەتی ڕێژیم، سزای ١٠مانگ بەندکردنی بەسەردا سەپێندرا.
ناوبراو پێشتریش چەندجارێکی دیکە لەلایەن هێزە سەرکوتکەرەکانی ڕێژیمی ئێرانەوە بە بیانووی جۆراوجۆرەوە بەبێ بوونی هیچ بەڵگەیەکی قەزایی و یاسایی دەسبەسەر کراوە و لێکۆڵینەوە و لێپێچینەوەی لەگەڵ کراوە و هەروەها دەستیان بەسەر کەلوپەلی تایبەتیشدا گرتووە.
