خۆڕاگری: بە پێی هەواڵی ئەنجومەنی زیندانییە سیاسییەکانی ڕۆژهەڵاتی کوردستان؛ ڕۆژی چوار شەممە ٢٩ی ڕەشەممەی ساڵی ١٤٠٣هەتاوی، سی ژنی کورد بە ناوەکانی “ساریا ئەحمەدی”ئەوین ئەحمەدی”کە خوشکن وتەمەنیان ژێر ١٨ ساڵییە”ڕۆژبین ئەفسوون”دوای بەشداری کردنیان لە ڕێوڕەسمی جێژنی نەورۆز(نەورۆزی خاکیپۆشان) بە تۆمەتی پۆشینی جلوبەرگی کوردی نەخشێندراو بە ئاڵای کوردستان لەلایەن هێزە ئەمنییەکانەوە دەستبەسەرکراون.
هێزەکانی ئیتلاعات بەرەبەیانی ڕۆژی چوارشەممە هێرشیان کردۆتە سەر ماڵی ئەو هاوڵاتییانە بە بەکار هێنانی توندوتیژی ئەو سێ ژنەیان دەسبەسەر کردووە،تەنانەت باوکی ئەو دوو کچە بە توندی ڵییدراوە.
شایانی باسە کە”ساریا و ئەوین ئەحمەدی دوای نیزیک بە ٢٠ ساعەت دەسبەسەر کران بە وەرگرتنی بەڵێننامە ئازاد کراون،ڕۆژبین ئەفسوون ڕۆژی دواتر بە دانانی بارمتە ئازاد کراوە.
