خۆڕاگری:هاووڵاتییەکی کورد بە ناوی “کەماڵ هاشمی” خەڵکی پیرانشار لەلایەن دادگای شۆڕشی ئەو شارە حوکمی بەندکرانی بەسەردا سەپێندرا.
شایانی باسە کە ئەو هاووڵاتییە بە تۆمەتی “پڕوپاگەندە دژی نیزام و دژی ئاسایشی نەتەوەیی” سزای ١٦ مانگ بەندکرانی بەسەردا سەپێنراوە.
ئەم هاووڵاتییە ڕۆژی ١٨ی ڕەزبەر بەبێ بوونی هیچ بەڵگەیەکی یاسایی لە شوێنی کارەکەی لە لایەن هێزە ئەمنییەکانەوە دەستبەسەر و بۆ لێپرسینەوە گواسترایەوە بۆ یەکێک لە گرتنگە ئەمنییەتییەکانی شاری ورمێ.
کە دواتر بۆ زیندانی نەغەدە گواسترایەوە ولە چەند ڕۆژی ڕابردوو دا ئەو حوکمەی پێڕاگەیەندراوە.