خۆڕاگری: هاووڵاتییەکی کورد بە ناوی سەیدمحەممەد حوسێنی خەڵکی شاری نەغەدە ڕۆژی شەممە ١١ی پووشپەڕی ١٤٠١ی هەتاوی بۆ جێبەجێ کرانی سزای ٢ ساڵ دوور خستنەوە بۆ شاری هەریس سەر بە پاڕێزگای تەوڕێز تەبعید کرا.
جێگای ئاماژەیە ئەو هاووڵاتییە ڕۆژی سێشەممە ١٩ی بەفرانباری ١٣٩٦ی هەتاوی دوایی جیا بوونەوە لە یەکێک لە حیزبە کوردییەکانی دژبە ڕێژیمی کۆماری ئیسلامی ئێران و لە کاتی گەڕانە لە هەرێمی کوردستان لە لایەن هێزە ئەمنییەکان دەستبەسەر و دوای لێپێچینەوە لە گرتنگە ئەمنییەکان، ڕەوانەی بەندیخانەی ناوەندی شاری نەغەدە کرابوو.
دواتر مانگی جۆزەردانی ١٤٠٠ی هەتاوی لە لایەن لقی ١ی دادگای شۆڕشی شاری مەهاباد بە تۆمەتی موحاربە لە ڕێگای هاوکاری لە گەڵ یەکێک لە حیزبە کوردییەکانی دژبە ڕێژیمی کۆماری ئیسلامی ئێران سزای ٤٠ساڵ بەندکرانی بەسەردا سەپێندرا وڕۆژی سێشەممە ٤ی جۆزەردانی ١٤٠٠ی هەتاوی بە شێوەی فەرمی پێ ڕاگەیندرا بوو.
سزای ٤٠ساڵ بەندکرانی ئەو هاووڵاتییە لەلایەن دیوانی بەڕزی وڵات هەڵوەشایەوە و لە دادگای پێداچوونەوە بۆ ٨ساڵ دوورخستنەوە بۆ شاری هەریس کەم کرایەوە.
دواتر بۆ جاری دووهەم ئەو حوکمە لە دادگای پێداچوونەوەی شاری مەهاباد بۆ ٢ساڵ دوور خستنەوە کەم کرایەوە.
سایت: https://xoragri.com
فەیسبووك: https://www.facebook.com/anjumanizindanian
تلگڕام:@xoragre
ئنستا: https://instagram.compolitical.prisoners
ئیمەیل:https://xoragri@gmail.com
تویتیر:@xoragri