خۆڕاگری:لە ماوەی ڕۆژانی ڕابردوو بەندکراوێکی سیاسی کورد بە ناوی “ئەنسار ئەدوایی” خەڵکی گوندی سلێن سەر بە شاری سەوڵاوای مەریوان دوایی کۆتایی هاتنی ماوەی ٤مانگ سزای بەندکرانی لە بەندیخانەی ناوەندی شاری مەریوان ئازاد کرا.
جێگای ئاماژەیە کە ئەو هاووڵاتییە ڕۆژی یەکشەممە ٢٥ی سەرماوەزی ١٣٩٧ی هەتاوی لە لایەن هێزە ئەمنییەکانی شاری مەریوان بە بێ بوونی هیچ بەڵگەیەکی یاسایی دەسبەسەر و پاش ١٥ ڕۆژ لێپرسینەوە بە دانانی بارمتە لە یەکێک لە گرتنگە ئەمنییەکانی شاری مەریوان ئازاد کرابوو، کە دواتر مانگی گەلاوێژی ١٣٩٨ی هەتاوی لە لایەن دادگای شۆڕشی شاری مەریوان بە تۆمەتی هاوکاری لەگەڵ یەکێک لە حیزبە کوردییەکانی دژبەری ڕێژیمی کۆماری ئیسلامی ئێران سزایی ٦مانگ بەندکرانی بەسەردا سەپا و دواتر سزاکەی لە لایەن دادگای پێداچوونەوە بۆ ٤مانگ سزای بەندکران گۆڕدرا و ڕۆژی دووشەممە ١ی خەرمانانی ١٤٠٠ی هەتاوی بە مەبەستی جێبەجێ کردنی سزاکەی ڕەوانەی بەندیخانەی ناوەندی شاری مەریوان کرابوو.
سایت: https://xoragri.com/?p=3320
فەیسبووك: https://www.facebook.com/anjumanizindanian
تلگڕام:@xoragre
ئنستا: https://instagram.compolitical.prisoners
ئیمەیل:https://xoragri@gmail.co