خۆڕاگری: ڕۆژی چوارشەممە ٤ی خاکەلێوە، هاووڵاتییەکی کورد بە ناوی “جەماڵ گرامی”، تەمەن ٢٠ ساڵ و خەڵکی گوندی “نێـ”ـی مەریوان، لەلایەن هێزە ئەمنییەتییەکانەوە دەسبەسەر کرا.
هەروەها ڕۆژی سێشەممە ٣ی خاکەلێوە، هاووڵاتیەکی کورد بە ناوی “ئارام نیک‌پێی”، تەمەن ٣٤ ساڵ، کوڕی حەسەن و خەڵکی گوندی “نێـ”ـی مەریوان، پاش بانگ کرانی بۆ ئیدارەی ئیتلاعاتی ئەو شارە، دەسبەسەر کرا.
ئەو دوو هاووڵاتییە کوردە بە بێ هیچ بەڵگەییەکی یاسایی لە لایەن هێزە ئەمنییەکانەوە دەسبەسەر کراون. سایتی خۆڕاگری پێشتر ناوی دوو ، هاووڵاتیی دیکە بە ناوەکانی “سەلمان ئەفرا”، کوڕی ڕەحمەت و “سەیوان پەرتۆ”، کوڕی زۆراب، خەڵکی گوندی “نێـ”ـی مەریوان،کە لەلایەن هێزە ئەمنییەتییەکانەوە دەسبەسەر کرابوون بڵاو کردبۆوە. سەرچاوەیەکی ئاگادار رایگەیاند، پاش بەڕیوەچوونی ڕێوڕەسمی نەورۆز لە گوندی “نێ”، هێزە ئەمنییەتییەکان دەستیان کردووە بە دەسبەسەرکردنی دانیشتووانی ئەو گوندە. ئەو هاووڵاتییە کوردانەش لە پێوەندی لەگەڵ بەرێوەبردنی بۆنەکانی نەورۆز دەسبەسەر کراون. ماڵپەری ئەنجوومەن:https://xoragri.com/?p=3320
فەیسبووك: https://www.facebook.com/anjumanizindanian
تلگڕام:@xoragre
ئنستا: https://instagram.com/defence.of.political.prisoners