لانیکەم ١٨٠ کەس لە کوردستان بە تۆمەتی چالاکی سیاسی و ئەمنییەتی لە ماوەی دوو مانگی ڕابردوو دا دەسبەسەر کراون

بەپێی ناوەندی ئاماری مافی مرۆڤ بۆ ڕۆژهەڵاتی کوردستان(چاونیوز)، لە دوو مانگی زستانی ئەمساڵ‌دا لانیکەم ١٨٠ کەس بە تۆمەتی چالاکیی ئەمنیەتی دژی کۆماری ئیسلامی و ئەندامەتی یان هاوکاری‌کردنی حیزبێکی کوردیی دژبەری کۆماری ئیسلامی گیراون.
دەسبەسەرکردنی ١٨٠ کەس لە ڕەشبگیرەکەی ئەم دواییانە لە حاڵێک‌دایە کە لە وەرزی بەهاری ئەمساڵیشدا لانیکەم ١٠٦ کەس، لە وەرزی هاوین‌ ١٩٢ کەس و لە سێ مانگی پاییزیش‌دا ١٤٣ کەس بە تۆمەتی چالاکیی ئەمنیەتی لەدژی کۆماری ئیسلامی گیرابوون، بەوەش ژمارەی ئەم کەسانەی لە سەرەتای ئەمساڵەوە تا ئێستا گیراون، گەیشتە ٦٢١ کەس.

لەو ٦٢١ کەسەی لە سەرەتای ئەمساڵەوە تا کۆتایی ڕێبەندان دەسبەسەر کراون، لانیکەم ١٧٤ کەس لەوان دادگایی و حوکمی زیندانیان بەسەردا سەپاوە و ژمارەیەکی زۆرتر لەوەندەش هێشتا لە گرتنگەکانی ئیتلاعات‌دا دەسبەسەرن و چارەنووسیان ناڕوونە. https://t.me/xoragre http://www.xoragri.com فیس بووک :https://www.facebook.com/%D8%A6%DB%95%D9%86%D8%AC%D9%88%D9%85%DB%95%D9%86%DB%8C-%D8%B2%DB%8C%D9%86%D8%AF%D8%A7%D9%86%DB%8C%D8%A7%D9%86%DB%8C-%D8%B3%DB%8C%D8%A7%D8%B3%DB%8C-3722115835725