خۆڕاگری: هاووڵاتییەکی کورد بە ناوی”حامید مەحموودی”تەمەن٣٨ساڵ خەڵکی بانە کە پێشتر سزای ١ساڵ بەندکرانی بەسەردا سەپێندرابوو ڕۆژی شەممە ٢٩ی گەڵاوێژی١٤٠١ی هەتاوی پاش بانگهێشت کرانی بۆ لقی ١ی جێبەجێ کرانی یاسایی کەیفەری ئەو شارە بە مەبەستی جێبەجێ کرانی سزاکەی دەستبەسەر و ڕەوانەی بەندیخانەی شاری بانە کرا.
بە پێی ئەو زانیارییانەی بە ئەنجومەنی زیندانییە سیاسییەکانی ڕۆژهەڵاتی کوردستان گەیشتووە ئەو هاووڵاتییە پێشتر لەلایەن دادگای شۆڕشی بانە بە تۆمەتی هاوکاری لەگەڵ یەکێک لە حیزبە کوردییەکانی دژبەری کۆماری ئیسلامی ئێران سزای ١ساڵ بەندکرانی تەعزیری بەسەر دا سەپێندرا.