خۆڕاگری:کەماڵ قۆیتاسی و عەزیز قادر تاج دوو بەندکراوی سیاسی خەڵکی شنۆ ڕۆژی سێشەممە٢٤ی جۆزەردانی١٤٠١ی هەتاوی بە بڕیاری ئیدارەی ئیتلاعاتی شنۆ لە بەندیخانەی ئەو شارە گوازرانەوە بۆ بەندیخانەی نەغەدە.
ئەو دوو هاووڵاتییە سەڕەتای ئەو مانگە پاش بانگهێشت کرانی بۆ لقی١ی جێبەجێ کرانی یاسایی کەیفەری شاری شنۆ بە مەبەستی جێبەجێ کرانی حوکمەکەیان دەستبەسەر و گوازرابوونەوە بۆ بەندیخانەی شاری شنۆ.
ئەو دوو هاووڵاتییە مانگی ڕێبەندانی ١٣٩٩ی هەتاوی لەلایەن هێزەکانی ئیدارەی ئیتلاعاتی ئەو شارە بە بێ بوونی هیچ بەڵگەیەکی یاسایی دەستبەسەر و بۆ لێپێچینەوە گوازرابوونەوە بۆ یەکێک لە گرتنگە ئەمنییەکانی ورمێ و پاش تەواو بوونی ماوەی لێپێچینەوەیان بە دانانی بارمتە بە شێوەی کاتی تا بەڕێوەچوونی دادگاکەیان ئازاد کرابوون.
شایانی باسە ئەو دوو هاووڵاتییە مانگی خاکەلێوەی١٤٠١ی هەتاوی لەلایەن لقی١ی دادگای شۆڕشی شنۆ بە سەرۆکایەتی دادوەر”ڕەزایی”بە تۆمەتی هاوکاری لەگەڵ یەکێک لە حیزبە کوردییەکانی دژبەری کۆماری ئیسلامی ئێران،کەماڵ قۆیتاسی حوکمی ٥ساڵ بەندکرانی تەعزیری و عەزیز قادرتاج حوکمی سێ ساڵ بەندکرانی تەعزیری بەسەریان دا سەپێندرا.
سایت: https://xoragri.com
فەیسبووك: https://www.facebook.com/anjumanizindanian
تلگڕام:@xoragre
ئنستا: https://instagram.compolitical.prisoners
ئیمەیل:https://xoragri@gmail.com
تویتیر:@xoragri