خۆڕاگری: لە ماوەی ڕۆژانی ڕابردوو بەندکراوی سیاسی کورد “خاکید محەممەد زادە” خەڵکی گوندی خوڕخوڕە سەر بە شاری مەهاباد پاش کۆتایی ماوەی سزای بەندکرانی لە بەندیخانەی ئەو شارە ئازاد کرا.
جێگای ئاماژەیە کە نابراو پێشتر ڕۆژی جمعە ١٤ی خەرمانانی ١٤٠٠ی هەتاوی لە لایەن هێزە ئەمنییەکان دەستبەسەر و ڕەوانەی یەکێک لە گرتنگە ئەمنییەکانی شاری مەهاباد کرا و ڕۆژی دووشەممە ١٩ی خەزەڵوەری ١٣٩٩ی هەتاوی پاش ٦٥ڕۆژ دەستبەسەرکران لە ژێر لێکۆڵینەوە ڕەوانەی بەندیخانەی ناوەندی شاری مەهاباد کرابوو.
ئەو هاووڵاتییە دواتر ڕۆژی پێنجشەممە ١٣ی خەزەڵوەری ١٣٩٩ی هەتاوی بە دانانی بارمتە و بە شێوەی کاتی تا بەڕێوەچوونی دادگا لە بەندیخانەی ناوەندی شاری مەهاباد ئازاد کرا و پاش ماوەیەک لە لایەن دادگای شۆڕشی شاری مەهاباد بە تۆمەتی هاوکاری لەگەڵ یەکێک لە حیزبە کوردییەکانی دژبەری ڕێژیمی کۆماری ئیسلامی ئێران سزای ١ساڵ و ٥مانگ بەندکرانی بەسەردا سەپێندرا بوو کە دوایی بەڕێوەچوونی دادگای پێداچوونەوە سزاکەی بۆ ١ساڵ و ٢مانگ بەندکران کەم کرابوویەوە.
سایت: https://xoragri.com/?p=3320
فەیسبووك: https://www.facebook.com/anjumanizindanian
تلگڕام:@xoragre
ئنستا: https://instagram.com/defence.of.political.prisoners
ئیمەیل:https://xoragri@gmail.com