خۆڕاگری : ڕۆژی سێشەممە ١٥ی پووشپەری ١٤٠٠ی هەتاوی هێزە ئەمنییەکان هەڵیان کوتاوەتە سەر گوندی شاقەڵای سەر بە شاری دیواندەرە و هاووڵاتییەکیان بە ناوی “ئەحمەد سادقی” تەمەن ٤٦ ساڵ دەستبەسەر کردووە.
بە پێی سەرچاوەکانی هەواڵ ئەحمەد سادقی لە گوند سەرقاڵی کاری ئاژەڵداری بووە و بە بێ بوونی هیچ بەڵگەیەکی قەزایی دەستبەسەر و بۆ شوێنێکی نادیاریان گواستراوەتەوە.
تا کاتی ئامادە کردنی ئەم هەواڵە لە هۆکاری دەستبەسەرکردن و شێونی ڕاگیرانی ئەم هاووڵاتییە کوردە زانیارییەک لە بەر دەست دا نییە.
لە چەند ڕۆژی ڕابردوو دا سێ هاووڵاتی دیکەی خەڵکی ئەو شارە بە ناوەکانی ئەمجەد مورادی، زانیار مورادی و دلێر شامحەمەدی لەلایەن هێزە ئەمنییەکانی ئەم شارە دەستبەسەر کراون کە تا ئێستا چارەنووسیان نادیارە. ئەنجوومەن:https://xoragri.com/?p=3320
فەیسبووك: https://www.facebook.com/anjumanizindanian
تلگڕام:@xoragre
ئنستا: https://instagram.com/defence.of.political.prisonersئ