خۆڕاگری:ڕۆژی هەینی ۲۷ی خاکەلێوە،وەرزشوانێكی كورد بە ناوی ”ئەكبەر حەیدەرپوو”خەڵكی دێلوڕان لە پارێزگای ئیلام لە لایەن هێزە ئەمنییەكانی ئەو شارە دەستبەسەر كرا.
ئەو هاوڵاتییە بە بێ بوونی حوکمی یاسایی لە لایەن هێزە ئەمنییەكان دەستبەسەر كراوە.
بە پێی هەواڵەكان هێزە ئەمنییەکان، پاش پشکنینی ماڵی ”ئەكبەر حەیدەر پوور” کەرەستەی تایبەتی ناوبراو وەکوو موبایلەکەیان دەستبەسەردا گرت و لە گەڵ خۆیان بردوویانە.
شیاوی باسە کە، سەرەڕای بەدواداچوونی بنەماڵەی ئەم گەنجە دەستبەسەر کراوە، تا ئێستا هیچ زانیارییەك لە مەر چارەنووس و شوێنی ڕاگیرانی ناوبراو لە بەردەست نییە.
ئەکبەر حەیدەر پوور خاوەنی بڕوانامەی دوکتۆری جیهانی هونەرە ڕەزمییەکانی فیدراسیۆنی جیهانی WFSF، ئەندامی شۆرای ئۆلەمپیکی خوێندکاری ئاسیا و دامەزرێنەر و بەرپرسی ڕێکخراوی جیهانی ئۆرجیناڵی کیک بۆکسینگ(WOK)ـە.
ماڵپەری ئەنجوومەن:https://xoragri.com/?p=3320
فەیسبووك: https://www.facebook.com/anjumanizindanian
تلگڕام:@xoragre
ئنستا: https://instagram.com/defence.of.political.prisoners..