خۆڕاگری: سۆیلا موتاعی، چالاکی مەدەنیی دەسبەسەرکراوی خەڵكی دێولان پاش حەفتەیەک ڕاگیران بەشێوەی کاتیی و بەدانانی بارمتە ئازاد کراوە.
بەپێی هەواڵی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی دووشەممە، ٢٧ی ڕەشەمەی ١٤٠٣ی هەتاوی، سۆیلا موتاعی، چالاکوانی مەدەنی و هاووڵاتیی خەڵكی شاری دێولان پاش ٧ڕۆژ دەسبەسەربوون، بە دانانی بارمتە و بەشێوەی کاتیی تاکاتی دادگاییکردنەکەی لە یەکێک لە گرتنگەکانی ڕێژیم لە سنە ئازاد کراوە.
ناوبراو ڕۆژی دووشەممە، ۲۰ی ڕەشەمەی ئەمساڵ، لەلایەن هێزە داگیرکەرەکانی ڕێژیمی ئێرانەوە بەبۆنەی بەشداریکردنی لە چالاکییەکانی ٨ی مارس ڕۆژی جیهانی ژنان، دەسبەسەر کرا و لە یەکێک لە گرتنگەکانی ڕێژیم لەشاری سنە لێکۆڵینەوەی لەگەڵ کراوە.
