هێزەکانی ئیتلاعاتی کۆماری ئیسلامیی ئێران لە مەهاباد “حوسێن حەسەن‌خانی”، مامۆستای خانەنشین‌کراوی ئەو شارەیان دەسبەسەر کرد.
بە پێی هەواڵی هەواڵ‌دەرییەکان ڕۆژی چوارشەممە ١ـی گەلاوێژی ٩٩ی هەتاوی هێزەکانی ئیتلاعاتی ڕێژیم لە شاری مەهاباد مامۆستایەکی خانەنشین‌کراو بە ناوی “حوسێن حەسەن‌خانی” دەسبەسەر دەکەن و، بۆ شوێنێکی نادیار دەیگوازنەوە و سەرەڕای بەدوادا چوونی بنەماڵەکەی هیچ هەواڵێک لە شوێنی ڕاگیران و هۆکاری دەسبەسەرکردنی لە بەردەستدا نییە.
شایانی باسە ناوبراو ئەندامی “شۆڕای مەکتەب قورئان”ـی مەهابادە و کەسێکی خۆش‌ناو و جێی ڕێزی خەڵکی ئەو شارەیە.
جێگای ئاماژەیە ماوەیەکە ڕەش‌بگیرییەکی بێ‌سنوور لە شارەکانی کوردستان لە لایەن کۆماری ئیسلامیی ئێرانەوە دەستی پێ کردوەتەوە و ڕۆژانە بە بیانوو و تاوانی بێ‌بنەما خەڵکی کورد دەسبەسەر دەکرێن.