کوشتن و بریندارکرنی ٥٤ کۆڵبەر، گرتنی ١٨٧ کەس و سەپاندنی ٢٧٣ ساڵ زیندان بەسەر ٨٠ بەندیی سیاسیی کورد لە سێ مانگی زستاندا
(ڕاپۆرتی بەشێک لە حاڵەتەکانی پێشێلکرانی مافی مرۆڤ لە کوردستان بەهۆی هێزە چەکدارەکان و ناوەندە ئەمنیەتییەکانی کۆماری ئیسلامی لە سێ مانگی زستانی ١٣٩٨ی هەتاویدا)
لە درێژەی پێشێلکردنی سیستماتیکی مافی مرۆڤ لە ڕۆژهەڵاتی کوردستان بەهۆی دەزگای قەزایی و دامودەزگا سیاسی و ئەمنیەتییەکانی کۆماری ئیسلامی، لە ماوەی سێ مانگی زستانی ئەمساڵیشدا لانیکەم ٣٢٩ حاڵەتی زبری پێشێلکردنی مافی مرۆڤ ڕووی داوە.
لە کاتێکدا کۆڵبەرکوژی و سەرکوت و کوشتاری خەڵکی کاسبکاری ناوچە سنوورییەکان بەشێکی سەرەکیی پێشێلکردنی مافی مرۆڤ لە کوردستانن، لە ماوەی سێ مانگی زستانی ئەمساڵیشدا هەر نەبێ ٥٤ کۆڵبەر و کاسبکاری کورد بە تەقەی هێزە چەکدارەکانی کۆماری ئیسلامی کوژراون و بریندار بوون، یان بەهۆی ڕاوەدوونانی هێزە چەکدارەکانی کۆماری ئیسلامی گیانیان لە دەست داوە.
بەپێی زانیاری و بەدواداچوونی ناوەندی مافی مرۆڤ بۆ ڕۆژهەڵاتی کوردستان لەو ٥٤ کەسە ١٢ کەسیان بە تەقەی ڕاستەوخۆی هێزە چەکدارەکانی کۆماری ئیسلامی، تەقینەوەی مین و بەربوونەوە لە بەرزایی کوژراون و گیانیان لە دەست داوە؛ ٤٢ کەسیشیان بریندار بوون.
کوژران و برینداربوونی ٥٤ کۆڵبەر و کاسبکار لە ماوەی سێ مانگی زستانی ئەمساڵدا لە حاڵێک دایە کە لە سێ وەرزی بەهار، هاوین و پاییزی ئەمساڵدا ١٨٦ کۆڵبەر و کاسبکاری ناوچە سنوورییەکانی کوردستان ببوونە قوربانیی سیاسەتی دوژمنکارانە و کوردکوژیی هێزە چەکدارەکانی کۆماری ئیسلامی، بەوەش ژمارەی ئەم کۆڵبەرانەی لە ماوەی ئەمساڵدا بەهۆی تەقەی ڕاستەوخۆ، تەقینەوەی مین، بەربوونەوە لە بەرزایی لە سۆنگەی ڕاوەدوونان و هەروەها ڕەق‌هەڵاتن لە سەرما گیانیان لە دەست داوە و بریندار بوون؛ گەیشتە ٢٤٠ کەس. لەو ٢٤٠ کەسە ٧٣ کەسیان کوژراون و ١٦٧ کەسیش بریندار بوون.
هەروەها ڕۆژی چوارشەممە ١١ی بەفرانبار لاوێکی خەڵکی گوندی “سیس” سەر بە شاری دێولان لە پارێزگای سنە بە ناوی ”نادر کەریمی“ لەکاتی ڕۆشتن بۆ هەرێمی کوردستان و لەلایەن سپای پاسدارانەوە دراوەتە بەر دەستڕێژ و کوژراوە.
ڕۆژی چوارشەممە ١١ی بەفرانباریش، لە نزیک چۆمی “سۆفی ئاوا”ی شاری “جوانڕۆ” تەرمی یەکیک لە خۆپیشاندەرانی ئەو شارە بە ناوی “هاشم مورادی” دۆزراوەتەوە. بە پێی زانیارییەکان لە کاتی دۆزینەوەی جەستەی بێ گیانی ئەم شارۆمەندە کوردە، جێگای ئەشکەنجە بە ڕوونی بە جەستەیەوە دیار بووە.
ڕۆژی پێنج شەممە ١٩ی بەفرانبار تەرمی “سەردار ئەعەزەمی” خەڵکی بەخشی شاهۆ سەر بە شاری ڕوانسەر لە پارێزگای کرماشان، لە زێدی خۆی ئەسپەردەی خاک کراوە. سەردار ئەعەزەمی ڕۆژی شەممە ٢٥ی خەزەڵوەر و لە ڕەوتی خۆپێشاندانەکانی مانگی خەزەڵوەری ئێران لە شاری پەرەند سەر بە پارێزگای تاران ون ببوو و لەو کاتەوە هیچ زانیارییەک لە سەر چارەنووسی ناوبراو لە بەر دەستدا نەبوو. حەوتوویەک دواتریش تەرمی نادر ڕەزایی ئابتاف، خەڵکی کرماشان پاش گیان لەدەستدان لەژێر ئەشکەنجەی هێزە ئەمنیەتییەکانی حکوومەتی ئێراندا ڕۆژی ٨ی بەفرانبار ڕادەستی بنەماڵەکەی کراوەتەوە و بە خاک سپێردراوە.
لە ماوەی سێ مانگی زستانی ئەمساڵدا ئەوەندەی سەرچاوەکانی هەواڵ پشتڕاستیان کردووەتەوە و دەستیان بە زانیارییەکان ڕاگەیشتووە، ١٨٧ چالاک و هەڵسووری سیاسی و مەدەنی لە کوردستان بە تۆمەتی چالاکیی سیاسی و لایەنگری لە حیزبە سیاسییەکانی ڕۆژهەڵات دەسبەسەر و زیندانی کراون. لەو ١٨٧ کەسە بەشێکیان دوای لێکۆڵینەوە سەرەتاییەکان تا دادگاییکرانیان بە دانانی بارمتە بە شێوەی کاتی ئازاد کراون و ٨٠ کەسیان دوای دادگایی کردن سزای لە ٣ مانگ زیندان تا ١٦ ساڵ بەندکرانیاندا بەسەردا سەپاوە و دوو بەندکراوی کوردیش بە تۆمەتی چالاکی ئەمنیەتی دژی کۆماری ئیسلامیی ئێران حوکمی ئێعدامیان دراوەتێ. ئەو ٨٠ بەندکراوەی کە لە دادگاییکردنێکی ناعادڵانەدا سزای زیندانیان بەسەردا سەپاوە، ٢٧٢ ساڵ و ١٠ مانگ (سەرجەم ٣٢٧٤ مانگ) بەندکرانیان بۆ بڕاوەتەوە.
گرتن و حوکمدرانی ١٨٧ چالاک و هەڵسووری کورد لە وەرزی زستان لە حاڵێکدایە کە لە ٩ مانگی بەهار و هاوین و پاییزیشدا ٦٦٧ کەس لە خەڵکی ئاسایی و چالاکانی مەدەنی و سیاسی لەلایەن دەزگا ئەمنیەتییەکانەوە بە تۆمەتی چالاکیی ئەمنیەتی و سیاسی لە دژی کۆماری ئیسلامی و بەرژەوەندییەکانی ئەو ڕێژیمە گیرابوون و بەو پێیە ناوەندە ئەمنیەتییەکان لە ماوەی ئەمساڵدا لانیکەم ٨٥٤ کەسیان دەسبەسەر و زیندانی کردوە.
دەزگای قەزایی کۆماری ئیسلامی هەر لە ماوەی سێ مانگی زستانی ئەمساڵدا سزای ئێعدامی لەسەر ٨ بەندکراوی کورد جێبەجێ کردوە کە بەشی هەرە زۆریان بە تۆمەتی پێوەندیدار بە کوشتنی بە ئانقەست ئێعدام کراون. جێی باسە دەزگای قەزایی کۆماری ئیسلامی لە سەرەتای ساڵەوە هەتا پاییز لانیکەم ٣٨ بەندکراوی کوردی لە دار دابوو، بەو پێیە ئاماری ئیعدامەکان لە کوردستان لەمساڵدا لانیکەم ٤٦ کەس بووە.
هەر لە ماوەی سێ مانگی زستانی لانیکەم ١٢ کەس بەهۆی تەقینەوەی مین کوژراون و بریندار بوون کە ناوەندی مافی مرۆڤ بۆ ڕۆژهەڵاتی کوردستان شوناسی ٥ لەوانی ئاشکرا کردووە. لەو ٥ کەسە کە هەموویان لە پاریزگای کرماشان بوون، سێ کەسیان کوژراون و ٢ کەسیان بریندار بوون. بەلەبەرچاوگرتنی ئەوەش کە لە سێ وەرزی بەهار، هاوین و پاییزیشدا ١٥ که‌سی دیکە له کوردستان به‌هۆی ته‌قینه‌وه‌ی مین کوژراون و بریندار بوون، ژمارەی قوربانیانی مین لەمساڵدا ئەوەندەی ناو و شوناسیان ئاشکرا کراوە ٢٠ کەس بووە؛ به‌ڵام بە دڵنیاییەوە ئاماری ورد و ده‌قیقی قوربانیانی ته‌قینه‌وه‌ی مین _ بەهۆی ئەوەی هه‌واڵده‌رییه ڕه‌سمییه‌کان خۆ له بڵاوکردنه‌وه‌یان ده‌بوێرن یان ناوی قوربانیان ئاشکرا ناکه‌ن_ له‌وه‌نده زیاتره که ناوه‌ندی مافی مرۆڤ بۆ ڕۆژهه‌ڵاتی کوردستان تۆماری کردوه.
خۆکوژی لە کوردستان دیاردەیەکی خەفەتباری دیکەیە کە بەهۆی بێمافی و هەروەها پەراوێزخرانی کوردستان لەلایەن حکومەتەوە خەسارەکانی لەچاو ناوچەکانی دیکەی ئێران گەلێ زیاترە. ئامارەکانی ناوەندی مافی مرۆڤ بۆ ڕۆژهەڵاتی کوردستان ئاماژە بەوە دەکەن کە لە سێ مانگی زستانی ئەمساڵدا ئەوەندەی زاندراوە و بە میدیایی کراوە زیاتر لە ٥٥ کەس لە کوردستان هەوڵی خۆکوژییان داوە کە بە بەداخەوە هەوڵی ٣٦ کەس لەوان سەرکەوتوو بووە کە ١٦ کەسیان ژن و ٢٠ کەسیان پیاو بوون. داتاکانی ناوەندی مافی مرۆڤ پیشان دەدەن کە له ٩ مانگی پاییز، زستان و بەهاریشدا ٢١٧ که‌س له کوردستان خۆیان کوشتووە و بەو پێیە ٢٥٣ کەس له‌و سه‌دان که‌سه‌ی لەمساڵدا به‌هۆی جۆراوجۆی وه‌ک هه‌ژاری و کێشه‌ی خێزانی هه‌وڵی خۆکوژییان داوه، هەولەکانیان بەداخەوە سەرکەوتوو بووە و کۆتاییان به ژیانیان هێناوه.
لە ماوەی سێ مانگی زستانی ئەمساڵدا هەر نەبێ ٩ کرێکاری کورد بوونەتە قوربانیی ڕووداوی کار کە ٧ کەس لەوان گیانیان لەدەست داوە. بە لەبەرچاوگرتنی ئەوەی لە سێ وەرزی پێشوویتری ساڵیشدا ٤٥ کرێکار ببوونە قوربانیی ڕووداوی کار؛ بەو پێیە ژمارەی ئەو کەسانەی لەمساڵدا بەهۆی ڕووداوی کار لە کوردستان گیانیان لە دەست داوە یان بریندار وبوون، ٥٤ کەس بووە. ئەوە جیا لەوەی سەدان کەسیش بە شێوەی جۆراوجۆر لە کاتی کاردا گیانیان لەدەست داوە، بریندار یان نقوستان بوون و ناوەکانیان ئاشکرا نەکراوە بەردەوامیی گیانلەدەستدان و نقوستانبوونی کرێکاران لە کوردستان بەهۆی ڕووداوی لە حاڵێک دایە کە تەنیا سەدی ١٠ی ئەم كرێكارانەی لە کاتی كاركرندا تووشی رووداوی کار ده‌بن بیمەن و، سەدی ٩٠ی کرێکاران، به تایبه‌ت کرێکارانی که‌رتی بیناسازی لە ژێر چاودێریی هیچ بیمەیه‌ک دانین.
ئەو ئامار و زانیارییانەی ناوەندی مافی مرۆڤ بۆ ڕۆژهەڵاتی کوردستان لەسەر پێشێلکردنی مافی مرۆڤ لەو بەشەی ئێران بڵاوی کردۆتەوە تەنیا ئەو بەشە لەو حاڵەتانە دەگرێتەوە کە هەواڵ و زانیارییەکان بە ئاشکرا بە میدیایی کراون و لە لایەن سەرچاوە باوەڕپێکراوەکانەوە ئاماژەیان دراوەتێ، ئەگینا ئەو ناوەندە پێی وایە کە ئاماری ورد و دروستی پێشێلکاریی مافی مرۆڤ لە کوردستان بەهۆی کۆماری ئیسلامیی ئێران زۆر زیاتر لەو ئامارەیە کە ڕاگەیەندراوە.
لە خشتەکانی خوارەوەدا وردەکاریی زیاتر لەسەر ئەم ڕاپۆرتە باس کراوە:
زانیاری لە سەر ئەو کۆڵبەر و کاسبکارانەی لە سێ مانگی زستانی ۱۳۹۸دا کووژراون و بریندار بوون
| ڕیز | ناو و ناسناو | شوێن | جۆری زیان | چۆنیەتیی ڕووداو | ڕێکەوت |
| ۱ | کەیهان ئەکەرەم‌پور | سەقز | کوژراوە | مانگی خەرمانان بە تەقەی هێزە چەکدارەکان بریندار بوو و بەهۆی سەختیی برینەکەی مردوە | ۱/۱۰/۱۳۹۸ |
| ۲ | حەمید عابید | خۆی | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۱/۱۰/۱۳۹۸ |
| ۳ | وەهاب حەسەن‌زادە | چاڵدران | کوژراوە | لە ناوچە سنوورییەکانی ڕۆژهەڵات و باکووری کوردستان دراوەتە بەر دەستڕێژ | ۲/۱۰/۱۳۹۸ |
| ۴ | شەهرام ئەعلایی | چاڵدران | بریندار بووە | لە ناوچە سنوورییەکانی ڕۆژهەڵات و باکووری کوردستان دراوەتە بەر دەستڕێژ | ۲/۱۰/۱۳۹۸ |
| ۵ | عەزیز عەزیزی | بانە | بریندار بووە | لە ناوچەی “زەڵێ” دراوەتە بەر دەستڕێژ | ۳/۱۰/۱۳۹۸ |
| ۶ | سەعدوڵڵا مەحموودی | بانە | بریندار بووە | لە ناوچەی “زەڵێ” دراوەتە بەر دەستڕێژ | ۳/۱۰/۱۳۹۸ |
| ۷ | سەلاح دەرەزیانی | مەریوان | بریندار بووە | بەهۆی ڕاوەدوونانی هێزە چەکدارەکان و بەربوونەوە لە بەرزایی بریندار بووە | ۳/۱۰/۱۳۹۸ |
| ۸ | محەممەد ڕەشیدزادە | سەردەشت | کوژراوە | لە شوێنێک بەناوی “کانی خاتوون” دراوەتە بەر دەستڕێژی هێزە چەکدارەکانی ئێران | ۵/۱۰/۱۳۹۸ |
| ۹ | -سەعدی سەفایی | دیواندەرە | کوژراوە | ئوتومبیلەکەی بە گومانی پێبوونی باری قاچاغ دراوەتە بەر دەستڕێژ | ۵/۱۰/۱۳۹۸ |
| ۱۰ | سدیق خالیدی | مەهاباد | کوژراوە | ئوتومبیلەکەی لە شاری مەلەکان بە گومانی پێبوونی باری قاچاغ دراوەتە بەر دەستڕێژ | ۱۲/۱۰/۱۳۹۸ |
| ۱۱ | بێهنام عەلیزادە | قوتووری خۆی | بریندار بووە | لە شوێنێک بەناوی “گەربەڕان” دراوەتە بەر دەستڕێژی هێزە چەکدارەکانی ئێران | ۱۴/۱۰/۱۳۹۸ |
| ۱۲ | عەلی یوسفی | قوتووری خۆی | بریندار بووە | لە شوێنێک بەناوی “گەربەڕان” دراوەتە بەر دەستڕێژی هێزە چەکدارەکانی ئێران | ۱۴/۱۰/۱۳۹۸ |
| ۱۳ | خدر بێنەوا | سەردەشت | کوژراوە | ڕۆژی ۵ی بەفرانبار لە شوێنێک بەناوی “کانی خاتوون” دراوەتە بەر دەستڕێژ و دوای ۱۰ ڕۆژ برینداری گیانی لەدەست دا | ۱۵/۱۰/۱۳۹۸ |
| ۱۴ | ئۆمید حەیدەری | نەغەدە | بریندار بووە | لە ناوچە سنوورییەکانی پیرانشار دراوەتە بەر دەستڕێژ | ۱۸/۱۰/۱۳۹۸ |
| ۱۵ | شوان عەبدوڵلاهی | سەردەشت | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۱۸/۱۰/۱۳۹۸ |
| ۱۶ | مەجید مەزلوومی | چاڵدران | بریندار بووە | لە ناوچە سنوورییەکانی ڕۆژهەڵات و باکووری کوردستان دراوەتە بەر دەستڕێژ | ۱۹/۱۰/۱۳۹۸ |
| ۱۷ | محەممەد مەراز | چاڵدران | بریندار بووە | لە ناوچە سنوورییەکانی ڕۆژهەڵات و باکووری کوردستان دراوەتە بەر دەستڕێژ | ۱۹/۱۰/۱۳۹۸ |
| ۱۸ | عەلی نادری | کرماشان | کوژراوە | لە سێ ڕییانی قازانچی ئوتومبیلەکەی بە گومانی پێبوونی باری قاچاغ دراوەتە بەر دەستڕێژ | ۲۳/۱۰/۱۳۹۸ |
| ۱۹ | جەماڵ باڵەکی | مەریوان | بریندار بووە | لە ئاکامی ڕاوەدوونانی هێزە چەکدارەکانی کۆماری ئیسلامی لە بەرزایی بەربۆتەوە | ۲۶/۱۰/۱۳۹۸ |
| ۲۰ | مەزهەر سەیدڕۆستەمی | قەسری شیرین | بریندار بووە | ئوتومبیلەکەی بە گومانی پێبوونی باری قاچاغ دراوەتە بەر دەستڕێژ | ۳۰/۱۰/۱۳۹۸ |
| ۲۱ | سالار ڕەحمانی | سەڵماس | بریندار بووە | لە ناوچە سنوورییەکانی ڕۆژهەڵات و باکووری کوردستان دراوەتە بەر دەستڕێژ | ۴/۱۱/۱۳۹۸ |
| ۲۲ | محیەدین عەزیزی | سەردەشت | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۴/۱۱/۱۳۹۸ |
| ۲۳ | ئەسعەد پیری | پیرانشار | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۶/۱۱/۱۳۹۸ |
| ۲۴ | عەلی هادیزادە | خۆی | بریندار بووە | لە سنووری باکووری کوردستان بە تەقەی هێزە چەکدارەکانی کۆماری ئیسلامی پێکراوە | ۶/۱۱/۱۳۹۸ |
| ۲۵ | حوسێن هادیزادە | خۆی | بریندار بووە | لە سنووری باکووری کوردستان بە تەقەی هێزە چەکدارەکانی کۆماری ئیسلامی پێکراوە | ۶/۱۱/۱۳۹۸ |
| ۲۶ | محەممەد ئیزەدی | پیرانشار | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۱۰/۱۱/۱۳۹۸ |
| ۲۷ | عوسمان وەزیری | پیرانشار | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۱۰/۱۱/۱۳۹۸ |
| ۲۸ | وەلی گوندەک مەلا | پیرانشار | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۱۰/۱۱/۱۳۹۸ |
| ۲۹ | عوسمان فتووحی | سەقز | گیانی لەدەست داوە | لە کوێستانەکانی سەقز بەهۆی سەرما و شەختەوە ڕەق هەڵاتوە و گیانی لەدەست داوە | ۱۲/۱۱/۱۳۹۸ |
| ۳۰ | محەممەد ڕەحمانی | مەریوان | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۱۲/۱۱/۱۳۹۸ |
| ۳۱ | فەرەیدوون بانەیی | بانە | بریندار بووە | بەهۆی ڕاوەدوونانی هێزە چەکدارەکان و بەربوونەوە لە بەرزایی بریندار بووە | ۱۷/۱۱/۱۳۹۸ |
| ۳۲ | محەممەد فەقێ زادە | پیرانشار | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۱۹/۱۱/۱۳۹۸ |
| ۳۳ | نەبی ئەحمەدپەنا | پیرانشار | بریندار بووە | بەهۆی سەرمابردوویی لە نەخۆشخانە خوێندراوە | ۲۰/۱۱/۱۳۹۸ |
| ۳۴ | پەیمان عەبدی | پاوە | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۰/۱۱/۱۳۹۸ |
| ۳۵ | ئەحمەد سەحرایی | پاوە | کوژراوە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۳۶ | عەزیم ئەمین زادە | نۆدشە | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۳۷ | شادمان سەیدی | جوانڕۆ | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۳۸ | ڕەسووڵ هووشی | جوانڕۆ | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۳۹ | تەها سولەیمانی | جوانڕۆ | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۴۰ | زاهید نووری | جوانڕۆ | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۴۱ | جەبار محەمەدی | پاوە | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۴۲ | شاهد ئەداک | سەوڵاوا | کوژراوە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۴۳ | جەلال نووری | جوانڕۆ | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۴۴ | حوسێن حەقانی | پیرانشار | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۴۵ | کامڕان قادری | پیرانشار | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۷/۱۱/۱۳۹۸ |
| ۴۶ | ئەرکان عەباسی | ماکۆ | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۸/۱۱/۱۳۹۸ |
| ۴۷ | سەیوان سەیفی | سەوڵاوا | بریندار بووە | بەهۆی بەربوونەوە لە بەرزایی لە ئاکامی ڕاوەدوونانی هێزەکانی رێژیم تووشی زەربەی مێشک بووە | ۳/۱۲/۱۳۹۸ |
| ۴۸ | زەکەریا موعەتەر | مەریوان | بریندار بووە | لە بەرزاییەکانی ملەی تەتە هەڵدێراوە | ۵/۱۲/۱۳۹۸ |
| ۴۹ | وەلی خەلیفە | پیرانشار | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۵/۱۱/۱۳۹۸ |
| ۵۰ | عەلی مامل | ورمێ | بریندار بووە | بە تەقەی هێزە چەکدارەکانی کۆماری ئیسلامی پێکراوە و گوللە بەر پشتی کەوتوە | ۹/۱۱/۱۳۹۸ |
| ۵۱ | مەولوود بیشیری | پیرانشار | بریندار بووە | لە ئوتومبیلەکەیدا بە گومانی پێبوونی باری قاچاغ دراوەتە بەر دەستڕێژ | ۱۹/۱۲/۱۳۹۸ |
| ۵۲ | محەممەد قادری | سەردەشت | بریندار بووە | بە تەقەی هێزە چەکدارەکانی کۆماری ئیسلامی پێکراوە | ۲۲/۱۲/۱۳۹۸ |
| ۵۳ | سەیوان شەریفی | بانە | کوژراوە | تەمەن ۲۳ ساڵ لە سنووری هەنگەژاڵ دراوەتە بەر دەستڕێژ و گیانی لەدەست داوە | ۲۵/۱۲/۱۳۹۸ |
| ۵۴ | ئازاد عومەری | خۆی | گیانی لەدەست داوە | لە کوێستانەکانی سەرسنووری ناحیەی کۆتۆل لە سەرمان ڕەق هەڵاتوە | ۲۸/۱۲/۱۳۹۸ |
ئەو کەسانەی لە سێ مانگی زستانی ۱۳۹۸دا گیراون و حوکم دراون
| ریز | ناو و ناسناو | شوێن | پیشه | چۆنیه‌تیی رووداو | رێکه‌وت |
| ۱ | میلاد فەیزی‌پوور | مەریوان | تەمەن ۱۵ ساڵ | بەهۆی ناڕەزایەتی‌دەربڕین بە کوشتاری کۆڵبەران و کاسبکاران گیراوە | ۱/۱۰/۱۳۹۸ |
| ۲ | کورش عەزیزی | شنۆ | مەدەنی | بۆ کێشانی ماوەی ۳ ساڵ زیندانیەکەی لە بەندیخانەی ناوەندیی شنۆدا بەندکراوە | ۱/۱۰/۱۳۹۸ |
| ۳ | محەمەد ئەمین قازی | شنۆ | مەدەنی | بۆ کێشانی ماوەی ۳ ساڵ زیندانیەکەی لە بەندیخانەی ناوەندیی شنۆدا بەندکراوە | ۱/۱۰/۱۳۹۸ |
| ۴ | یۆسف ئەحمەدی | شنۆ | مەدەنی | بۆ کێشانی ماوەی ۳ ساڵ زیندانیەکەی لە بەندیخانەی ناوەندیی شنۆدا بەندکراوە | ۱/۱۰/۱۳۹۸ |
| ۵ | کامیل ئەحمەدی | شنۆ | مەدەنی | بۆ کێشانی ماوەی ۳ ساڵ زیندانیەکەی لە بەندیخانەی ناوەندیی شنۆدا بەندکراوە | ۱/۱۰/۱۳۹۸ |
| ۶ | وشیار شەعبانی | بانە | چالاکی مەدەنی | بە تۆمەتی تێکدانی ئەمنیەتی وڵات سزای ۷ مانگ زیندانی دراوەتێ | ۳/۱۰/۱۳۹۸ |
| ۷ | سەیران فەهیم | سنە | هونەرمەند | مانگی پێشوو بە تۆمەتی چالاکیی سیاسیی دژ بە ڕێژیم گیراوە و تازە بە هەواڵی گیرانەکەی زاندراوە | ۱/۱۰/۱۳۹۸ |
| ۸ | شوجاع حوسەین‌زادە | بانە | وێبنووس | بەرپرسی کاناڵی تێلێگرامی “بانەنیوز″ە و ئیتلاعات گرتوویەتی | ۱/۱۰/۱۳۹۸ |
| ۹ | شەهریار ئەسکۆیی | سنە | چالاکی سیاسی | بۆ کێشانی ماوەی ۳۰ مانگ زیندانیەکەی لە بەندیخانەی ناوەندیی سنە بەندکراوە | ۲/۱۰/۱۳۹۸ |
| ۱۰ | سەید نەجمەدین حوسێنی | شنۆ | مەدەنی | بە تۆمەتی ئەندامەتیی حیزبێکی سیاسیی دژبەری ڕێژیم سزای ۴۲ مانگ زیندانی دراوەتێ | پێشتر گیرابوو |
| ۱۱ | ئەحمەد شاهید | ئیلام | مەدەنی | بە تۆمەتی ئەندامەتیی حیزبێکی سیاسیی دژبەری ڕێژیم سزای ساڵێک زیندانی دراوەتێ | پێشتر گیرابوو |
| ۱۲ | مەجید ئۆمیدی | کرماشان | مەدەنی | بە تۆمەتی ئەندامەتیی حیزبێکی سیاسیی دژبەری ڕێژیم سزای ۳ مانگ زیندانی دراوەتێ | پێشتر گیرابوو |
| ۱۳ | بابەک دەبیریان | کرماشان | چالاکی مەدەنی | بە تۆمەتی ئەندامەتیی حیزبێکی سیاسیی دژبەری ڕێژیم گیراوە | ۳/۱/۱۳۹۸ |
| ۱۴ | شەفیع فەقێ‌زادە | شنۆ | مەدەنی | بە تۆمەتی ئەندامەتیی حیزبێکی سیاسیی دژبەری ڕێژیم سزای ۹ ساڵ زیندانی دراوەتێ | پێشتر گیرابوو |
| ۱۵ | سەید ئەییوب مووسەوی | ورمێ | مەدەنی | بە تۆمەتی ئەندامەتیی حیزبێکی سیاسیی دژبەری ڕێژیم سزای ۳ ساڵ و ۶ مانگ زیندانی دراوەتێ | پێشتر گیرابوو |
| ۱۶ | فەرامەرز قاسمی ئازەر | سنە | مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۴/۱۰/۱۳۹۸ |
| ۱۷ | فەرزین ڕۆستەمی | سنە | مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۴/۱۰/۱۳۹۸ |
| ۱۸ | شاپور حەبیبی | سنە | مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۴/۱۰/۱۳۹۸ |
| ۱۹ | سەیدپەیام بێدروود | زەنجان | چالاکی یارسان | لە شاری کەرەج بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۵/۱۰/۱۳۹۸ |
| ۲۰ | عادیل بەهرامی | کامیاران | پێشمەرگەی پێشوو | پۆلیسی تورکیە لەگەڵ ۳۲ پەناخوازی دیکە ڕادەستی ناوەندە ئەمنیەتییەکانی ئێرانی کردۆتەوە | ۵/۱۰/۱۳۹۷ |
| ۲۱ | د. ناسر هیمەتی | ئابدانانی ئیلام | دەرونناس | لە شاری ئیسفەهان بە تۆمەتی چالاکیی سیاسیی دژی رێژیم گیراوە | ۵/۱۰/۱۳۹۷ |
| ۲۲ | هۆمایوون بەهمەنی | سنە | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۲ ساڵ و ۶ مانگ زیندانی بەسەردا سەپاوە | ۶/۱۰/۱۳۹۸ |
| ۲۳ | لەیلا تیرئەندازی | سنە | چالاکی سیاسی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۷/۱۰/۱۳۹۸ |
| ۲۴ | سۆهراب ڕەحیمی | شائابادی کرماشان | چالاکی مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۸/۱۰/۱۳۹۸ |
| ۲۵ | لوقمان فەیزی | سنە | چالاکی کرێکاری | بە تۆمەتی ئەندامەتیی حیزبێکی سیاسیی دژبەری ڕێژیم گیراوە | ۸/۱/۱۳۹۸ |
| ۲۶ | ساسان میرەکی | سنە | چالاکی کرێکاری | بە تۆمەتی ئەندامەتیی حیزبێکی سیاسیی دژبەری ڕێژیم گیراوە | ۸/۱/۱۳۹۸ |
| ۲۷ | کاروان بابایی | سەلاسی باوەجانی | چالاکی مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۸/۱۰/۱۳۹۸ |
| ۲۸ | زانا نەسیری | سەلاسی باوەجانی | چالاکی مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۸/۱۰/۱۳۹۸ |
| ۲۹ | دیاکۆ بێهرووجە | سەلاسی باوەجانی | چالاکی مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۸/۱۰/۱۳۹۸ |
| ۳۰ | محەممەد ئاریەن | سەلاسی باوەجانی | چالاکی مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۸/۱۰/۱۳۹۸ |
| ۳۱ | هوشمەند عەلیپوور | سەردەشت | مەدەنی | بە تۆمەتی هەڵگەڕانەوە لە ئیسلامی و مل‌بادان لە بڕیاری خامنەیی سزای ئێعدامی بەسەردا سەپاوە | ۸/۱۰/۱۳۹۸ |
| ۳۲ | محەممەد ئوستادقادر | سەقز | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۵ ساڵ زیندانی بەسەردا سەپاوە | ۸/۱۰/۱۳۹۸ |
| ۳۳ | مەنووچێهر ئیبراهیمی | قوتووری خۆی | مەدەنی | کەمئەندامە و بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۰/۱۰/۱۳۹۸ |
| ۳۴ | فەرامەرز غەفووری | سنە | چالاکی مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۱/۱۰/۱۳۹۸ |
| ۳۵ | سۆهراب جانفەزا | سەڵماس | مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۱/۱۰/۱۳۹۸ |
| ۳۶ | ئارام فەتحی | مەریوان | شاعیر و نووسەر | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۳/۱۰/۱۳۹۸ |
| ۳۷ | عادڵ سالم‌فەرد | شنۆ | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۳ ساڵ زیندانی بەسەردا سەپاوە | ۱۳/۱۰/۱۳۹۸ |
| ۳۸ | عەبدولواحید عەلینژاد | شنۆ | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۶ ساڵ زیندانی بەسەردا سەپاوە | ۱۳/۱۰/۱۳۹۸ |
| ۳۹ | دڵشاد فەرەجی | پاوە | مەدەنی | بەتۆمەتی تێکدانی ئەمنیەتی وڵات سزای ساڵێک زیندانی هەڵپەسێردراوی بەسەردا سەپاوە | ۱۳/۱۰/۱۳۹۸ |
| ۴۰ | هونەر (کەبیر) حوسێنی | پاوە | مەدەنی | بەتۆمەتی تێکدانی ئەمنیەتی وڵات سزای ساڵێک زیندانی هەڵپەسێردراوی بەسەردا سەپاوە | ۱۳/۱۰/۱۳۹۸ |
| ۴۱ | حەبیب ڕەزایی | کرماشان | خوێندکار | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۳/۱۰/۱۳۹۸ |
| ۴۲ | موزەفەر وەلەدبەیگی | پاوە | ڕۆژنامەنووس | بەهۆی ئەوەی لە کاناڵی تێلێگرامی خۆیدا وشەی “شەهید”ی بۆ قاسم سوڵتانی بەکار نەهێناوە گیراوە | ۱۴/۱۰/۱۳۹۸ |
| ۴۳ | شاهۆ خزری | بۆکان | چالاکی ئەدەبی | بە تۆمەتی چالاکی دژ بە ئەمنیەتی کۆماری ئیسلامی سزای ساڵێک زیندانی بەسەردا سەپاوە | مانگی رەزبەر گیرابوو |
| ۴۴ | هومەن فەیزی | بۆکان | چالاکی ئەدەبی | بە تۆمەتی چالاکی دژ بە ئەمنیەتی کۆماری ئیسلامی سزای ۴ مانگ زیندانی بەسەردا سەپاوە | مانگی رەزبەر گیرابوو |
| ۴۵ | ژاکا ئیسماعیل‌پوور | بۆکان | چالاکی ئەدەبی | بە تۆمەتی چالاکی دژ بە ئەمنیەتی کۆماری ئیسلامی سزای ۳ مانگ زیندانی بەسەردا سەپاوە | مانگی رەزبەر گیرابوو |
| ۴۶ | سمکۆ مەعڕووفی | بۆکان | چالاکی ئەدەبی | بە تۆمەتی چالاکی دژ بە ئەمنیەتی کۆماری ئیسلامی سزای دوو ساڵ زیندانی بەسەردا سەپاوە | مانگی رەزبەر گیرابوو |
| ۴۷ | مێهران مەعنەوی | ورمێ | مەدەنی | خەڵکی گوندی “گەنکەچین” و بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۴/۱۰/۱۳۹۸ |
| ۴۸ | فازیل عومەری | ورمێ | مەدەنی | بە تۆمەتی چالاکی دژ بە ئەمنیەتی کۆماری ئیسلامی سزای دوو ساڵ زیندانی بەسەردا سەپاوە | ۱۴/۱۰/۱۳۹۸ |
| ۴۹ | مادیح مورادی | سنە | مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۴/۱۰/۱۳۹۸ |
| ۵۰ | قادر مەجیدپوور | سەوڵاوای مەریوان | مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۵/۱۰/۱۳۹۸ |
| ۵۱ | هەیبەت ئەمین‌زادە | سەوڵاوای مەریوان | مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۵/۱۰/۱۳۹۸ |
| ۵۲ | ئارەش نەسرکورد | سنە | مەدەنی | بەتۆمەتی چالاکیی سیاسیی پێشووی لە حیزبێکی کوردیدا لە شاری وەرامین گیراوە | لە سەرماوەزدا گیراوە |
| ۵۳ | فەرهاد مەجیدزادە | کرماشان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ساڵێک زیندانی بەسەردا سەپاوە | ۱۶/۱۰/۱۳۹۸ |
| ۵۴ | فاتیح پەروازە | نێی مەریوان | مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۶/۱۰/۱۳۹۸ |
| ۵۵ | وەفا بەدەخش | نێی مەریوان | مەدەنی | بە تۆمەتی ئەندامەتیی حیزبێکی سیاسیی کوردیی دژبەری ڕێژیم گیراوە | ۱۶/۱۰/۱۳۹۸ |
| ۵۶ | سەیران خەرامیدە | سنە | چالاکی مەدەنی | ئیدارەی ئیتلاعات بە هۆکاری نەزاندراو گرتوویەتی | ۲۰/۱۰/۱۳۹۸ |
| ۵۷ | شەهرام کازمیان | ورمێ | هونەرمەند | بە تۆمەتی ئەندامەتیی حیزبێکی سیاسیی کوردیی دژبەری ڕێژیم سزای ۵ ساڵ زیندانیی دراوەتێ | ۱۶/۱۰/۱۳۹۸ |
| ۵۸ | سیاوەش حەیاتی | کرماشان | چالاکی سیاسی | بە تۆمەتی ڕێکخستنی خۆپیشاندان لەدژی کۆماری ئیسلامی لە زانکۆی کرماشان گیراوە | ۲۲/۱۰/۱۳۹۸ |
| ۵۹ | پشتیوان ئەفسەر | مەریوان | چالاکی سیاسی | بە تۆمەتی ئەندامەتیی حیزبێکی کوردیی دژبەری ڕێژیم سزای ۹ ساڵ زیندانی بەسەردا سەپاوە | ۲۰/۱۰/۱۳۹۸ |
| ۶۰ | موبین مرادی | کرماشان | چالاکی سیاسی | بە تۆمەتی ئەندامەتیی حیزبێکی کوردیی دژبەری ڕێژیم سزای ۶ ساڵ زیندانی بەسەردا سەپاوە | ۲۲/۱۰/۱۳۹۸ |
| ۶۱ | تۆفیق قەلعەکوویی | سنە | مەدەنی | بە تۆمەتی خۆپیشاندان لەدژی بەردانەوەی فڕۆکە ئۆکراینییەکە لەلایەن سپای پاسدارانەوە گیراوە | ۲۲/۱۰/۱۳۹۸ |
| ۶۲ | سەلاح غەریبی | کرماشان | چالاکی سیاسی | بە تۆمەتی ڕێکخستنی خۆپیشاندان لەدژی کۆماری ئیسلامی لە زانکۆی کرماشان گیراوە | ۲۲/۱۰/۱۳۹۸ |
| ۶۳ | نەبی تەڕدەست | کرماشان | چالاکی سیاسی | بە تۆمەتی ڕێکخستنی خۆپیشاندان لەدژی کۆماری ئیسلامی لە زانکۆی کرماشان گیراوە | ۲۲/۱۰/۱۳۹۸ |
| ۶۴ | ئەشکان والی‌زادە | کرماشان | چالاکی سیاسی | بە تۆمەتی ڕێکخستنی خۆپیشاندان لەدژی کۆماری ئیسلامی لە زانکۆی کرماشان گیراوە | ۲۲/۱۰/۱۳۹۸ |
| ۶۵ | سیروس عەباسی | دێولان | چالاکی مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۴/۱۰/۱۳۹۸ |
| ۶۶ | فەریدە وەیسی | دێولان | چالاکی مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۴/۱۰/۱۳۹۸ |
| ۶۷ | محەممەد خاتری | کامیاران | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران سزای ۹ مانگ زیندانی دراوەتێ | ۲۴/۱۰/۱۳۹۸ |
| ۶۸ | کەیوان موکەڕەمی | ورمێ | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران سزای ساڵێک زیندانی دراوەتێ | ۲۴/۱۰/۱۳۹۸ |
| ۶۹ | ئازاد عەباسی | دێولان | چالاکی مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۴/۱۰/۱۳۹۸ |
| ۷۰ | ئامانج نیک‌پەی | مەریوان | چالاکی مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۵/۱۰/۱۳۹۸ |
| ۷۱ | موسلیم سولەیمانی | سنە | خوێندکاری زانکۆ | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۵/۱۰/۱۳۹۸ |
| ۷۲ | زانیار ئەحمەدپوور | سنە | خوێندکاری زانکۆ | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۵/۱۰/۱۳۹۸ |
| ۷۳ | ئەڕشەد ئەتابەک | سنە | خوێندکاری زانکۆ | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۵/۱۰/۱۳۹۸ |
| ۷۴ | وریا فەرەجی | مەریوان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۲ ساڵ زیندانی بەسەردا سەپاوە | ۲۲/۱۰/۱۳۹۸ |
| ۷۵ | یاوەر ئەمیرخانی | جوانڕۆ | مەدەنی | لە خۆپیشاندانەکانی خەزەڵوەردا گیراوە و تازە پێیان زاندراوە و تا ئێستا چارەنووسیان ناڕوونە | پێشتر گیراوە |
| ۷۶ | یاسر ئەحمەدی | جوانڕۆ | مەدەنی | لە خۆپیشاندانەکانی خەزەڵوەردا گیراوە و تازە پێیان زاندراوە و تا ئێستا چارەنووسیان ناڕوونە | پێشتر گیراوە |
| ۷۷ | مەیسەم محەممەدی‌نوور | جوانڕۆ | مەدەنی | لە خۆپیشاندانەکانی خەزەڵوەردا گیراوە و تازە پێیان زاندراوە و تا ئێستا چارەنووسیان ناڕوونە | پێشتر گیراوە |
| ۷۸ | بەختیار زارعی | جوانڕۆ | مەدەنی | لە خۆپیشاندانەکانی خەزەڵوەردا گیراوە و تازە پێیان زاندراوە و تا ئێستا چارەنووسیان ناڕوونە | پێشتر گیراوە |
| ۷۹ | پەرویز ناسری | ورمێ | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۵ ساڵ زیندانی بەسەردا سەپاوە | ۲۲/۱۰/۱۳۹۸ |
| ۸۰ | محەممەد شیخکانلوو | خۆی | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۳/۱۰/۱۳۹۸ |
| ۸۱ | سامان عەبدولعەزیززادە | کرماشان | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۴/۱۰/۱۳۹۸ |
| ۸۲ | ئاڕمان وەفایی | سنە | مەدەنی | بە تۆمەتی چالاکی سیاسی دژ بە ئەمنیەتی ڕێژیم سزای ۳مانگ و ڕۆژێک زیندانیی دراوەتێ | ۲۷/۱۰/۱۳۹۸ |
| ۸۳ | کامبیز ئەسەدی | کامیاران | هونەرمەند | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۷/۱۰/۱۳۹۸ |
| ۸۴ | ئەمیرعەلی ماجید | ئیلام | کتێب‌فرۆش | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۸/۱۰/۱۳۹۸ |
| ۸۵ | عیرفان محەممەدی | سنە | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۷/۱۰/۱۳۹۸ |
| ۸۶ | هێرش خوسرەوی | سنە | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۷/۱۰/۱۳۹۸ |
| ۸۷ | گۆران یوسفی | سنە | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۷/۱۰/۱۳۹۸ |
| ۸۸ | چەکۆ قادری | مەریوان | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲۷/۱۰/۱۳۹۸ |
| ۸۹ | سادق شامی | مێهران/ ئیلام | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ساڵێک زیندانی بەسەردا سەپاوە | ۲۸/۱۰/۱۳۹۸ |
| ۹۰ | عەلی ئیسماعیلی | شنۆ | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ساڵێک زیندانی بەسەردا سەپاوە | ۲۸/۱۰/۱۳۹۸ |
| ۹۱ | ئۆمید کەرەمی | سنە | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ساڵێک زیندانی بەسەردا سەپاوە | ۳۰/۱۰/۱۳۹۸ |
| ۹۲ | بڕیار کاوە | مەریوان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای دوو ساڵ زیندانی بەسەردا سەپاوە | ۲/۱۱/۱۳۹۸ |
| ۹۳ | فەردین مورادی | سنە | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲/۱۱/۱۳۹۸ |
| ۹۴ | سیروان ئۆلنیا | بۆکان | مەدەنی | بە تۆمەتی چالاکی مەزهەبی و هاوکاری گرووپە ئیسلامییەکان دەستبەسەر کراوە | ۲/۱۱/۱۳۹۸ |
| ۹۵ | ئەبولفەزل زاهید | کرماشان | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲/۱۱/۱۳۹۸ |
| ۹۶ | سەمیع عەلیزادە | مەهاباد | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲/۱۱/۱۳۹۸ |
| ۹۷ | مێهدی ئیسماعیلی | ساین‌قەڵا | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۲/۱۱/۱۳۹۸ |
| ۹۸ | د. ئومید مودەڕیسی | مەریوان | پزیشک و چالاکی مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۲/۱۱/۱۳۹۸ |
| ۹۹ | سەلمان ئەفڕا | مەریوان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ساڵێک زیندانی بەسەردا سەپاوە | ۵/۱۱/۱۳۹۸ |
| ۱۰۰ | وەحید فەتاحی | پاوە | ڕۆژنامەنووس | بەهۆی ئەوەی لە کاناڵی تێلێگرامی خۆیدا وشەی “شەهید”ی بۆ قاسم سوڵتانی بەکار نەهێناوە گیراوە | ۶/۱۱/۱۳۹۸ |
| ۱۰۱ | ئەسکەندەر چراغی | بانە | چالاکی فەرهەنگی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۶/۱۱/۱۳۹۸ |
| ۱۰۲ | دارا ڕەشیدی | سەردەشت | مەدەنی | بە تۆمەتی چالاکی سیاسی دژ بە ئەمنیەتی ڕێژیمی ئێران گیراوە | ۶/۱۱/۱۳۹۸ |
| ۱۰۳ | ئەسکەندەر لوتفی | سنە | مامۆستای قوتابخانە | ە تۆمەتی ”بڵاوکردنەوەی درۆ و دەلەسە“ حوکمی ٢ ساڵ بەندکرانی بە سەردا سەپێندراوە | ۷/۱۱/۱۳۹۸ |
| ۱۰۴ | سامان رەببانی | سەقز | مەدەنی | بە تۆمەتی چالاکیی سیاسی دژبە ڕێژیم سزای سێ مانگ زیندانی بەسەردا سەپاوە | ۷/۱۱/۱۳۹۸ |
| ۱۰۵ | حەیدەر قوربانی | کامیاران | چالاکی سیاسی | سزای ۱۱۸ ساڵ زیندانی داسەپاو بەسەر ئەودا بۆ ئیعدام گۆڕاوە | ۸/۱۱/۱۳۹۸ |
| ۱۰۶ | ناسر مەحموودنیژاد | تەرگەوەڕی ورمێ | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای 15ساڵ زیندانی بەسەردا سەپاوە | ۸/۱۱/۱۳۹۸ |
| ۱۰۷ | ساوێن مەحموودیان‌ڕاد | سەردەشت | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە و بۆ زیندانی مەهاباد گواستراوەتەوە | دوو مانگ پێش گیرابوو |
| ۱۰۸ | سەردار ئوزمووش | باکووری کوردستان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۱۵ ساڵ زیندانی بەسەردا سەپاوە | ۸/۱۱/۱۳۹۸ |
| ۱۰۹ | ئومید سەعیدی | ورمێ | مەدەنی | پێشتر گیرابوو و بە تۆمەتی ئەندامەتیی حیزبێکی کوردیی دژبەری ڕێژیم سزای ۵ ساڵ زیندانی بەسەردا سەپاوە | ۸/۱۱/۱۳۹۸ |
| ۱۱۰ | کامران قاسمی | ورمێ | مەدەنی | پێشتر گیرابوو و بە تۆمەتی ئەندامەتیی حیزبێکی کوردیی دژبەری ڕێژیم سزای ۵ ساڵ زیندانی بەسەردا سەپاوە | ۸/۱۱/۱۳۹۸ |
| ۱۱۱ | کەیهان ڕەشیدی | ورمێ | مەدەنی | پێشتر گیرابوو و بە تۆمەتی ئەندامەتیی حیزبێکی کوردیی دژبەری ڕێژیم سزای ۵ ساڵ زیندانی بەسەردا سەپاوە | ۸/۱۱/۱۳۹۸ |
| ۱۱۲ | باسام مورادی | کامیاران | چالاکی سیاسیی پێشوو | بە تۆمەتی ئەندامەتیی حیزبێکی کوردیی دژبەری ڕێژیم سزای ۱۰ ساڵ زیندانی بەسەردا سەپاوە | ۸/۱۱/۱۳۹۸ |
| ۱۱۳ | عەبدوڵلا ئەحمەدی | سەلاسی باوەجانی | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۴ ساڵ زیندانی بەسەردا سەپاوە | ۸/۱۱/۱۳۹۸ |
| ۱۱۴ | حەمەد ڕەزا ڕەمەزان زادە، | کوردی خورسان | مامۆستای قوتابخانە | بە تۆمەتی هەوڵدان دژی ئەمنیەتی میللیی وڵات سزای 13 ساڵ زیندانی بەسەردا سەپاوە | ۹/۱۱/۱۳۹۸ |
| ۱۱۵ | حوسێن ڕەمەزانپووڕ | کوردی خورسان | مامۆستای قوتابخانە | بە تۆمەتی هەوڵدان دژی ئەمنیەتی میللیی وڵات سزای 8 ساڵ زیندانی بەسەردا سەپاوە | ۹/۱۱/۱۳۹۸ |
| ۱۱۶ | حەمید ڕەزا ڕەجایی | کوردی خورسان | مامۆستای قوتابخانە | بە تۆمەتی هەوڵدان دژی ئەمنیەتی میللیی وڵات سزای 4 ساڵ زیندانی بەسەردا سەپاوە | ۹/۱۱/۱۳۹۸ |
| ۱۱۷ | مستەفا ڕەباتی | کوردی خورسان | مامۆستای قوتابخانە | بە تۆمەتی هەوڵدان دژی ئەمنیەتی میللیی وڵات سزای 3 ساڵ و ۸ مانگ زیندانی بەسەردا سەپاوە | ۹/۱۱/۱۳۹۸ |
| ۱۱۸ | حەسەن جەوهەری | کوردی خورسان | مامۆستای قوتابخانە | بە تۆمەتی هەوڵدان دژی ئەمنیەتی میللیی وڵات سزای 3 ساڵ و ۸ مانگ زیندانی بەسەردا سەپاوە | ۹/۱۱/۱۳۹۸ |
| ۱۱۹ | سەعید حەقپەرەست | کوردی خورسان | مامۆستای قوتابخانە | بە تۆمەتی هەوڵدان دژی ئەمنیەتی میللیی وڵات سزای 3 ساڵ و ۸ مانگ زیندانی بەسەردا سەپاوە | ۹/۱۱/۱۳۹۸ |
| ۱۲۰ | عەلی فرووتەن | کوردی خورسان | مامۆستای قوتابخانە | بە تۆمەتی هەوڵدان دژی ئەمنیەتی میللیی وڵات سزای 3 ساڵ و ۸ مانگ زیندانی بەسەردا سەپاوە | ۹/۱۱/۱۳۹۸ |
| ۱۲۱ | پەروین ئەدوایی | مەریوان | چالاکی مەدەنی | بۆ کێشانی ماوەی ۲ ساڵ زیندانییەکەی بەڕێی گرتوخانەی ناوەندیی مەریوان کراوە | ۱۰/۱۱/۱۳۹۸ |
| ۱۲۲ | حوسێن ئازەریون | پیرانشار | مەدەنی | ڕۆژی ۷ی ڕەزبەر بە تۆمەتی ئەندامەتیی حیزبێکی کوردیی دژبەری ڕێژیم گیراوە و بۆ بەندیخانەی ورمێ گواستراوەتەوە | ۱۰/۱۱/۱۳۹۸ |
| ۱۲۳ | عوسمان دڵ‌ئەنگیز | مەریوان | مەدەنی | بە تۆمەتی هەوڵدان دژی ئەمنیەتی میللیی وڵات گیراوە | ۱۰/۱۱/۱۳۹۸ |
| ۱۲۴ | شارام کازمیان | ورمێ | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۰/۱۱/۱۳۹۸ |
| ۱۲۵ | سیرووس عەزیزی | کرماشان | پێرەوی یارسان | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۱/۱۳۹۸ |
| ۱۲۶ | نادر عەزیزی | کرماشان | پێرەوی یارسان | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۱/۱۳۹۸ |
| ۱۲۷ | ئیسحاق ڕووحی | سنە | چالاکی کرێکاری | بۆ کێشانی ماوەی ۱ ساڵ زیندانییەکەی بەڕێی گرتوخانە کراوە | ۱۳/۱۱/۱۳۹۸ |
| ۱۲۸ | ڕەسووڵ سریلالی | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێی زاندراوە | ………………… |
| ۱۲۹ | پەرویز کەدیوەریان | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێی زاندراوە | ………………… |
| ۱۳۰ | مێهدی عەبداڵی | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێی زاندراوە | ………………… |
| ۱۳۱ | عەلی مووسا | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێی زاندراوە | ………………… |
| ۱۳۲ | میلاد | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێی زاندراوە | ………………… |
| ۱۳۳ | ئیحسان | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێی زاندراوە | ………………… |
| ۱۳۴ | زانیار ئەحمەدی | سەلاس باوەجانی | مەدەنی | لە خۆپیشاندانەکانی خەزەڵوەردا گیراوە و تازە پێی زاندراوە | ………………… |
| ۱۳۵ | کەدیوەریان | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێی زاندراوە | ………………… |
| ۱۳۶ | یونس ڕەحیمی | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێی زاندراوە | ………………… |
| ۱۳۷ | چیا محەممەدی | سنە | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۶ ساڵ زیندانی بەسەردا سەپاوە | ۱۴/۱۱/۱۳۹۸ |
| ۱۳۸ | سەید پەیام بێدروود | کرماشان | چالاکی یارسان | بە تۆمەتی هەوڵدان دژی ئەمنیەتی میللیی وڵات سزای 3 ساڵ زیندانی بەسەردا سەپاوە | ۱۵/۱۱/۱۳۹۸ |
| ۱۳۹ | ئەمیر گوەیلی | سنە | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۶/۱۱/۱۳۹۸ |
| ۱۴۰ | گۆران قوربانی | مەریوان | ژینگەپارێز | بۆ کێشانی ماوەی 5 ساڵ زیندانی‌یەکی بەڕێی زیندانی ناوەندیی مەریوان کراوە | ۱۷/۱۱/۱۳۹۸ |
| ۱۴۱ | هادی تەنوومەند | بۆکان | چالاکیی کرێکاری | بۆ کێشانی ماوەی 3 ساڵ و ۶ مانگ زیندانی‌یەکی بەڕێی زیندانی ناوەندیی بۆکان کراوە | ۱۷/۱۱/۱۳۹۸ |
| ۱۴۲ | ئەمین سیبەری | کرماشان | چالاکیی کرێکاری | بۆ کێشانی ماوەی 3 ساڵ زیندانی‌یەکی بەڕێی زیندانی ناوەندیی کرماشان کراوە | ۱۷/۱۱/۱۳۹۸ |
| ۱۴۳ | موحسین ئەحمەدزادە | شنۆ | خوێندکاری زانکۆ | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۷/۱۱/۱۳۹۸ |
| ۱۴۴ | ئۆسامە بامداد | نێی مەریوان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۹/۱۱/۱۳۹۸ |
| ۱۴۵ | حەمید ئەژدەری | نێی مەریوان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۹/۱۱/۱۳۹۸ |
| ۱۴۶ | فوئاد وەکالەتی | ماکۆ | مەدەنی | بۆ کێشانی ماوەی 1 ساڵ زیندانی‌یەکی بەڕێی زیندانی ناوەندیی خۆی کراوە | ۱۹/۱۱/۱۳۹۸ |
| ۱۴۷ | ئەمیر موحیب | ورمێ | مەدەنی | بەهۆی پێبوونی ئاڵای کوردستان گیراوە | ۱۹/۱۱/۱۳۹۸ |
| ۱۴۸ | عەبدولخالق خەیاڵی | بانە | مەدەنی | ۷ مانگە گیراوە و چارەنووسی ناڕوونە/ بنەماڵەکەی تازە هەواڵی گرتنەکەی ئاشکرا دەکەن | پێشتر گیراوە |
| ۱۴۹ | سوحبەتوڵڵا ئومیدی | کرماشان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای 5 ساڵ زیندانی بەسەردا سەپاوە | ۲۱/۱۱/۱۳۹۸ |
| ۱۵۰ | مێهدی ئەبدالی | کرماشان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ساڵێک زیندانی بەسەردا سەپاوە | ۲۱/۱۱/۱۳۹۸ |
| ۱۵۱ | خەلیل ئەسەدی بوژانی | کرماشان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای 3 ساڵ و ۶ مانگ ساڵ زیندانی بەسەردا سەپاوە | ۲۱/۱۱/۱۳۹۸ |
| ۱۵۲ | خالید باباخانی | کرماشان | ئارایشگەر | بە تۆمەتی هەوڵدان دژی ئەمنیەتی میللیی وڵات گیراوە | ۲۲/۱۱/۱۳۹۸ |
| ۱۵۳ | ئازاد عەزیزی | ورمێ | مەدەنی | بە تۆمەتی هەوڵدان دژی ئەمنیەتی میللیی وڵات سزای ساڵێک زیندانی بەسەردا سەپاوە | ۲۲/۱۱/۱۳۹۸ |
| ۱۵۴ | ئیبراهیم محەممەدی | سنە | مەدەنی | بە تۆمەتی هەوڵدان دژی ئەمنیەتی میللیی وڵات گیراوە | ۲۳/۱۱/۱۳۹۸ |
| ۱۵۵ | شادمان بەنی‌بەشەر | سنە | چالاکی ژینگە | بە تۆمەتی هەوڵدان دژی ئەمنیەتی میللیی وڵات گیراوە | ۲۴/۱۱/۱۳۹۸ |
| ۱۵۶ | حامید شیخی | سەقز | مەدەنی | بە تۆمەتی هەوڵدان دژی ئەمنیەتی میللیی وڵات گیراوە | ۲۵/۱۱/۱۳۹۸ |
| ۱۵۷ | نەبی مەلاوەیسە | سەقز | مەدەنی | بە تۆمەتی هەوڵدان دژی ئەمنیەتی میللیی وڵات گیراوە | ۲۵/۱۱/۱۳۹۸ |
| ۱۵۸ | ئەییوب خانی | سەقز | مەدەنی | بە تۆمەتی هەوڵدان دژی ئەمنیەتی میللیی وڵات گیراوە | ۲۵/۱۱/۱۳۹۸ |
| ۱۵۹ | وەلی نەسری | سنە | مەدەنی | بۆ کێشانی ماوەی 6 ساڵ زیندانی‌یەکی بەڕێی زیندانی ناوەندیی سنە کراوە | ۲۶/۱۱/۱۳۹۸ |
| ۱۶۰ | سەید وەهاب عەلیزادە | شنۆ | مەدەنی | بۆ کێشانی ماوەی 3 ساڵ زیندانی‌یەکی بەڕێی زیندانی ناوەندیی شنۆ کراوە | ۲۷/۱۱/۱۳۹۸ |
| ۱۶۱ | سیروان ئیبراهیمی | کامیاران | چالاکی مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای 3 ساڵ زیندانی بەسەردا سەپاوە | ۲۸/۱۱/۱۳۹۸ |
| ۱۶۲ | خوسرەو زەرستان | شنۆ | مەدەنی | بە تۆمەتی سیخوڕی بۆ وڵاتێکی بیانی سزای ۱۶ ساڵ زیندانی بەسەردا سەپاوە | ۲۸/۱۱/۱۳۹۸ |
| ۱۶۳ | فەرهاد مورادی | دیواندەرە | مەدەنی | بە تۆمەتی هەوڵدان دژی ئەمنیەتی میللیی وڵات گیراوە | ۲۹/۱۱/۱۳۹۸ |
| ۱۶۴ | میلاد کەڵوەندی | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێیان زاندراوە و تا ئێستا چارەنووسیان ناڕوونە | پێشتر گیراوە |
| ۱۶۵ | حەمید فرووزش | کرماشان | مەدەنی | لە خۆپیشاندانەکانی خەزەڵوەردا گیراوە و تازە پێیان زاندراوە و تا ئێستا چارەنووسیان ناڕوونە | پێشتر گیراوە |
| ۱۶۶ | فوئاد عینایەتی | سنە | مەدەنی | بە تۆمەتی هەوڵدان دژی ئەمنیەتی میللی سزای ۱۰ مانگ زیندان و ۴۰ قامچیی بەسەردا سەپاوە | ۳۰/۱۱/۱۳۹۸ |
| ۱۶۷ | عەبدوڵلا سادقی | سەرپێڵی زەهاو | چالاکی مەدەنی | بە تۆمەتی “بانگەشە بۆ بایکۆتی هەڵبژاردنەکان” گیراوە | ۲/۱۲/۱۳۹۸ |
| ۱۶۸ | پوویا پەروانە | شنۆ | تەمەن ۱۸ ساڵ | بە تۆمەتی ئەندامەتیی حیزبێکی کوردیی دژبەری ڕێژیم گیراوە و بەڕێی ئیتلاعاتی ورمێ کراوە | ۴/۱۲/۱۳۹۸ |
| ۱۶۹ | سیروان محەممەدی | ورمێ | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۶/۱۲/۱۳۹۸ |
| ۱۷۰ | حوسێن سەمەدی | کرماشان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۷/۱۲/۱۳۹۸ |
| ۱۷۱ | ئەمین کاسب | کرماشان | مەدەنی | بە تۆمەتی هەوڵدان دژی ئەمنیەتی میللیی وڵات سزای ۲ ساڵ زیندانی بەسەردا سەپاوە | ۸/۱۲/۱۳۹۸ |
| ۱۷۲ | سەید مستەفا سابری | پیرانشار | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۲/۱۳۹۸ |
| ۱۷۳ | سەید ئەحمەد سابری | پیرانشار | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۲/۱۳۹۸ |
| ۱۷۴ | عەبدوڵڵا حەسەن زادە | پیرانشار | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۲/۱۳۹۸ |
| ۱۷۵ | محەمەد ئیبراهیم زادە | پیرانشار | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۲/۱۳۹۸ |
| ۱۷۶ | سەلام بازرگانی | پیرانشار | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۲/۱۳۹۸ |
| ۱۷۷ | محەمەد ڕەسوول ئەلیاسی | نەغەدە | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۲/۱۳۹۸ |
| ۱۷۸ | دلێر خوسرەوی | سنە | ژینگەپارێز | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۲/۱۳۹۸ |
| ۱۷۹ | عوبەید عەزیزنیژاد | کرماشان | مەدەنی | بە تۆمەتی ئەندامەتیی حیزبێکی کوردیی دژبەری ڕێژیم گیراوە | ۱۱/۱۲/۱۳۹۸ |
| ۱۸۰ | سیروان ڕەحیمی | دێولان | چالاکی مەدەنی | بە تۆمەتی ئەندامەتیی حیزبێکی کوردیی دژبەری ڕێژیم سزای ۱۳ مانگ زیندانیی بەسەردا سەپاوە | ۱۱/۱۲/۱۳۹۸ |
| ۱۸۱ | موژگان کاووسی | کەلاردەشت | چالاکی ئەدەبی | لە دادگای پێداچوونەوەدا بە تۆمەتی ئەندامەتیی حیزبێکی کوردیی دژبەری ڕێژیم سزای ۷۶ مانگ زیندانیی بەسەردا سەپاوە | ۱۱/۱۲/۱۳۹۸ |
| ۱۸۲ | فەردین کەریمی | سنە | مەدەنی | بە تۆمەتی چالاکی سیاسی دژ بە ئەمنیەتی ڕێژیم سزای ۳مانگ و ڕۆژێک زیندانیی دراوەتێ | ۲۶/۱۲/۱۳۹۸ |
| ۱۸۳ | ئەفشین شێخولئیسلامی | سنە | مەدەنی | بە تۆمەتی چالاکی سیاسی دژ بە ئەمنیەتی ڕێژیم سزای ۳مانگ و ڕۆژێک زیندانیی دراوەتێ | ۲۶/۱۲/۱۳۹۸ |
| ۱۸۴ | جەبار دودکانلوو | خۆی | خوێندکار | بە تۆمەتی ئەندامەتیی حیزبێکی کوردیی دژبەری ڕێژیم سزای ساڵێک زیندانیی بەسەردا سەپاوە | ۲۶/۱۲/۱۳۹۸ |
| ۱۸۵ | ئاڕمین ئەسپەرلووس | سنە | مەدەنی | بە تۆمەتی چالاکی سیاسی دژ بە ئەمنیەتی ڕێژیم سزای ۳مانگ و ڕۆژێک زیندانیی دراوەتێ | ۲۶/۱۲/۱۳۹۸ |
| ۱۸۶ | ئیرەج ڕەحیم زادە | مەریوان | مەدەنی | بە تۆمەتی چالاکی سیاسی دژ بە ئەمنیەتی ڕێژیم سزای ۳مانگ و ڕۆژێک زیندانیی دراوەتێ | ۲۶/۱۲/۱۳۹۸ |
| ۱۸۷ | سۆهەیلا حیجاب | کرماشان | پارێزەر | بە تۆمەتی چالاکی سیاسی دژ بە ئەمنیەتی ڕێژیم سزای ۱۸ مانگ و ڕۆژێک زیندانیی دراوەتێ | ۲۸/۱۲/۱۳۹۸ |
ناوی ئەو کەسانەی لە سێ مانگی زستانی ۱۳۹۸دا ئێعدام کراون
| ڕێکەوت | وردەکاریی ڕووداو | خەڵکی | ناو و ناسناو | ڕیز |
| ۲۵/۱۰/۱۳۹۷ | بە تۆمەتی کوشتنی بەئانقەست لە زیندانی ناوەندیی ورمێ لەدار دراوە | ورمێ | داریوش دەروێشی | ۱ |
| ۲۵/۱۰/۱۳۹۷ | بە تۆمەتی کوشتنی بەئانقەست لە زیندانی ناوەندیی ورمێ لەدار دراوە | ورمێ | دانش دەروێشی | ۲ |
| ۱۳/۱۱/۱۳۹۷ | بە تۆمەتی پێوندیدار بە مادە سڕکەرەکان لەدار دراوە | بروجێرد | رەسووڵ مەلاحەسەنی | ۳ |
| ۱۶/۱۱/۱۳۹۷ | بە تۆمەتی پێوندیدار بە مادە سڕکەرەکان لەدار دراوە | کرماشان | بۆرزوو محەممەدی | ۴ |
| ۱۶/۱۱/۱۳۹۷ | بە تۆمەتی کوشتنی بەئانقەست لە زیندانی ناوەندیی کرماشان لەدار دراوە | کرماشان | شەهاب نادری | ۵ |
| ۱۱/۱۲/۱۳۹۷ | بە تۆمەتی کوشتنی بەئانقەست لە زیندانی ناوەندیی ورمێ لەدار دراوە | بۆکان | ئەمیر محەممەدپوور | ۶ |
| ۲۲/۱۲/۱۳۹۷ | تەمەن ۶۰ ساڵ و بە تۆمەتی کوشتنی بەئانقەست لەدار دراوە | ورمێ | حوسێن کەچنانلوو | ۷ |
| ۲۲/۱۲/۱۳۹۷ | تەمەن ۷۰ ساڵ و بە تۆمەتی کوشتنی بەئانقەست لەدار دراوە | ورمێ | عەبدوڵڵا محەممەدزادە | ۸ |
ئەو کەسانەی لە سێ مانگی زستانی ۱۳۹۸دا قوربانیی تەقینەوەی مین بوون
| ریز | ناو و ناسناو | شوێن | پیشه | جۆری زیان | چۆنیه‌تیی رووداو | رێکه‌وت |
| ۱ | عەلی مەلەکی | ئەزگەلەی کرماشان | گوندنشین | کوژراوە | بەهۆی تەقینەوەی گوللە تۆپێکی نەتەقاو گیانی لەدەست داوە | ۱۹/۱۰/۱۳۹۸ |
| ۲ | ئاڕمان مەلەکی | ئەزگەلەی کرماشان | گوندنشین | بریندار بووە | بەهۆی تەقینەوەی گوللە تۆپێکی نەتەقاو گیانی لەدەست داوە | ۱۹/۱۰/۱۳۹۸ |
| ۳ | حوججەت… | مێهران | کارمەند | بریندار بووە | لە کاتی هەڵگرتنەوەی میندا مینی پێدا تەقیوەتەوە و بە توندی بریندار بووە | ۲۸/۱۰/۱۳۹۸ |
| ۴ | پەیام ڕۆستەمی | قەسری شیرین | تەمەن ۱۲ ساڵ | کوژراوە | شوان بووە و لەبەر بەرغەل بووە و لاقی چووەتە سەر مین | ۳/۱۲/۱۳۹۸ |
| ۵ | کەیوان ئەعزەمی | سەرپێڵی زەهاو | تەمەن ۳۷ ساڵ | کوژراوە | بەهۆی تەقینەوەی گوللە خومپارەیەک گیانی لەدەست داوە | ۲۵/۱۲/۱۳۹۸ |
ئەو کەسانەی لە سێ مانگی زستانی ۱۳۹۸دا بە هۆی خۆکوژی کۆتاییان بە ژیانیان هێناوە
| ریز | ناو و ناسناو | خه‌ڵکی | تەمەن | چۆنیه‌تیی رووداو | رێکه‌وت |
| ۱ | شیوا مرادی | ورمێ | سەروو ۳۰ ساڵ | بەهۆی کێشەی خێزانی خۆی هەڵاواسیوە و کۆتایی بە ژیانی هێناوە | ۱/۱۰/۱۳۹۸ |
| ۲ | پێدرام حاجی | مەریوان | ۳۲ ساڵ | بە هۆکاری نادیار خۆی هەڵاواسیوە و کۆتایی بە ژیانی هێناوە | ۱/۱۰/۱۳۹۸ |
| ۳ | حەیران ئیبراهیمی | باینگانی پاوە | ۳۴ ساڵ | بەهۆی کێشەی خێزانی خۆی هەڵاواسیوە و کۆتایی بە ژیانی هێناوە | ۱/۱۰/۱۳۹۸ |
| ۴ | عیرفان عەزیزی | کرماشان | …………….. | بە هۆکاری نادیار خۆی هەڵاواسیوە و کۆتایی بە ژیانی هێناوە | ۳/۱۰/۱۳۹۸ |
| ۵ | شەهناز لوتفیان | پیرانشار | ۲۶ ساڵ | بەهۆی کێشەی خێزانی لەگەڵ هاوژینەکەی ئاگری لە خۆی بەرداوە | ۵/۱۰/۱۳۹۸ |
| ۶ | زەهرە محەممەدی | ئیلام | ۲۸ ساڵ | بەهۆی کێشەی خێزانی خۆی هەڵاواسیوە و کۆتایی بە ژیانی هێناوە | ۶/۱۰/۱۳۹۸ |
| ۷ | ژیلا ڕەسووڵی | سەقز | ۲۶ ساڵ | بەهۆی کێشەی خێزانی دوو منداڵە ساواکەی دەرمانداو کردوە و پاشان خۆی هەڵاواسیوە | ۱۲/۱۰/۱۳۹۸ |
| ۸ | دڵشاد پورعەبدوڵڵاهی | بۆکان | ۲۵ ساڵ | دایکی دوو منداڵ بووە و بەهۆی کێشەی خێزانی لەگەڵ هاوژینەکەی خۆی کوشتوە | ۱۵/۱۰/۱۳۹۸ |
| ۹ | زێنەب ئیحسانی | ئیلام | ۳۲ ساڵ | بەهۆی کێشەی خێزانی حەبی برینجی خواردوە و خۆی کوشتوە | ۱۷/۱۰/۱۳۹۸ |
| ۱۰ | عیرفان فاتیحی | کامیاران | ……… | بە هۆکاری نادیار خۆی هەڵاواسیوە و کۆتایی بە ژیانی هێناوە | ۱۷/۱۰/۱۳۹۸ |
| ۱۱ | ڕێبوار مەلایی | سنە | ۱۵ سال | بەهۆی هەژاریی بنەماڵەکەی خۆی هەڵاواسیوە | ۱۹/۱۰/۱۳۹۸ |
| ۱۲ | نەجمەدین ئەحمەدپوور | شنۆ | ۲۳ ساڵ | لە هەولێر کرێکاریی کردوە و بە هۆکاری ناڕوون خۆی هەلاواسیوە | ۲۰/۱۰/۱۳۹۸ |
| ۱۳ | محەممەد قادری | سەردەشت | سەروو ۴۰ ساڵ | بەهۆی کێشەی خێزانی خۆی هەڵاواسیوە | ۲۱/۱۰/۱۳۹۸ |
| ۱۴ | خالید مرادی | کامیاران | سەروو ۵۰ ساڵ | بە هۆکاری نادیار بە گاز خۆی خنکاندوە و کۆتایی بە ژیانی هێناوە | ۲۳/۱۰/۱۳۹۸ |
| ۱۵ | ئەفرووز مینایی | بۆکان | ۱۵ ساڵ | بەهۆی کێشەی خێزانی خۆی هەڵاواسیوە | ۲۶/۱۰/۱۳۹۸ |
| ۱۶ | سەمەد محەممەدنیژاد | سەقز | ………. | بە هۆکاری نادیار خۆی هەڵاواسیوە و کۆتایی بە ژیانی هێناوە | ۲۷/۱۰/۱۳۹۸ |
| ۱۷ | سەباح لەتیف نیژاد | سەقز | ………. | بە هۆکاری نادیار خۆی هەڵاواسیوە و کۆتایی بە ژیانی هێناوە | ۲۷/۱۰/۱۳۹۸ |
| ۱۸ | جەواد دێهقان | ورمێ | ………….. | بە هۆکاری نادیار خۆی هەڵاواسیوە و کۆتایی بە ژیانی هێناوە | ۳۰/۱۰/۱۳۹۸ |
| ۱۹ | ئەحمەد میرئەحمەدی | ئیلام | ۲۳ ساڵ | بەهۆی کێشەی خێزانی حەبی برینجی خواردوە و خۆی کوشتوە | ۲/۱۱/۱۳۹۸ |
| ۲۰ | عەبدوڵڵا خزرپوور | مەهاباد | …….. | بە هۆکاری نادیار خۆی هەڵاواسیوە و کۆتایی بە ژیانی هێناوە | ۳/۱۱/۱۳۹۸ |
| ۲۱ | سەیران ئەحمەدزادە | سەردەشت | ……….. | دووگیان بووە و بەهۆی کێشەی خێزانی خۆی هەڵاواسیوە | ۳/۱۱/۱۳۹۸ |
| ۲۲ | زارا ئەکبەری | کرماشان | سەروو ۳۰ ساڵ | خێزاندار و بەهۆی کێشەی خێزانی حەبی برینجی خواردوە و خۆی کوشتوە | ۳/۱۱/۱۳۹۸ |
| ۲۳ | وەحید حوسێنی | ورمێ | ………. | بەهۆی کێشەی خێزانی خۆی هەڵاواسیوە و کۆتایی بە ژیانی هێناوە | ۳/۱۱/۱۳۹۸ |
| ۲۴ | نادر موانایی | ورمێ | ……. | بە هۆکاری نادیار خۆی هەڵاواسیوە و کۆتایی بە ژیانی هێناوە | ۴/۱۱/۱۳۹۸ |
| ۲۵ | ئایشێ جاهید | ورمێ | ۳۱ ساڵ | دایکی دوو منداڵ بووە و بەهۆی کێشەی خێزانی ئاگری لە جەستەی بەرداوە | ۲۲/۱۱/۱۳۹۸ |
| ۲۶ | ڕەزا ئۆمیدی یاریجانی | کرماشان | ۲۲ ساڵ | لە گیراوەکانی خۆپیشاندانەکەی خەزەڵوەرە و دوای ڕاگەیاندنی حوکمی ۴ ساڵ زیندان زۆی کوشتوە | ۴/۱۲/۱۳۹۸ |
| ۲۷ | مەهسا وەلیزادە | جوانڕۆ | ۱۴ ساڵ | بە هۆکاری نادیار خۆی هەڵاواسیوە و کۆتایی بە ژیانی هێناوە | ۴/۱۲/۱۳۹۸ |
| ۲۸ | عەلی سەفەری | کرماشان | ۱۴ ساڵ | بەهۆی کێشەی خێزانی خۆی هەڵاواسیوە و کۆتایی بە ژیانی هێناوە | ۵/۱۱/۱۳۹۸ |
| ۲۹ | سارینا وەیس‌مرادی | جوانڕۆ | ۱۴ ساڵ | هاوپۆلیی مەهسا وەلیزادە بە هۆکاری نادیار خۆی هەڵاواسیوە و کۆتایی بە ژیانی هێناوە | ۶/۱۲/۱۳۹۸ |
| ۳۰ | فەرید موختاری | ڕوانسەر | سەروو ۴۰ ساڵ | خێزاندار و باوکی منداڵێک بووە و بەهۆی هەژاری خۆی هەڵاواسیوە | ۱۴/۱۲/۱۳۹۸ |
| ۳۱ | عەبدولقادر چراق | پیرانشار | …………….. | بە هۆکاری ناڕوون خۆی هەڵاواسیوە | ۱۸/۱۲/۱۳۹۸ |
| ۳۲ | مەرزییە ڕەزایی | قەسری شیرین | ۲۴ ساڵ | بەهۆی کێشەی خێزانی خۆی کوشتوە | ۱۹/۱۲/۱۳۹۸ |
| ۳۳ | محەممەد نەسیری | سنە | ……. | بەهۆی نەداری و دەستەنگی خۆی هەڵاواسیوە | ۱۹/۱۲/۱۳۹۸ |
| ۳۴ | دیار چەپانی | ورمێ | ۱۶ | بەهۆی هەژاریی بنەماڵەکەی خۆی هەڵاواسیوە | ۱۹/۱۲/۱۳۹۸ |
| ۳۵ | شیوا بەساتی | ئیلام | سەروو ۲۰ ساڵ | بەهۆی کێشەی خێزانی حەبی برینجی خواردوە و کۆتایی بە ژیانی هێناوە | ۲۰/۱۲/۱۳۹۸ |
| ۳۶ | ملینا تەڵایی | شنۆ | ۱۴ ساڵ | بەهۆی کێشەی خێزانی لەگەڵ مێردەکەی خۆی لەسەر بانی ماڵەوە فڕێ داوەتە خوارێ | ۲۹/۱۲/۱۳۹۸ |
ناوی ئەو کەسانەی لە سێ مانگی زستانی ۱۳۹۸دا قوربانیی ڕووداوی کار بوون
| ڕێکەوت | چۆنیەتیی رووداو | جۆری زیان | شوێن | ناو و ناسناو | ڕیز |
| ۲۴/۱۰/۱۳۹۸ | لە هەولێر و بەهۆی بەربوونەوە لە بەرزایی گیانی لەدەست داوە | گیانی لەدەست داوە | مەریوان | جەمشید ئیزەدی | ۱ |
| ۲۸/۱۰/۱۳۹۸ | لەکاتی جۆشکاری و بەهۆی بەربوونەوە لە بەرزایی گیانی لەدەست داوە | گیانی لەدەست داوە | سەقز | شەهرام ئەحمەدپوور | ۲ |
| ۲/۱۰/۱۳۹۸ | لە کاتی کارکردن لە بینایەکی نیوەکار بەربۆتەوە و لەگەنی شکاوە | بریندار بووە | پیرانشار | حوسێن مەحموودی | ۳ |
| ۳/۱۱/۱۳۹۸ | لە کاتی کارکردندا بەهۆی داڕمانی خانوو گیانی لەدەست داوە | گیانی لەدەست داوە | سەڵماس | بەهمەن حەسوویان | ۴ |
| ۳/۱۱/۱۳۹۸ | لە کاتی کارکردندا بەهۆی داڕمانی خانوو بریندار بووە | بریندار بووە | سەڵماس | مەسعود کوڕی ڕەزاق | ۵ |
| ۹/۱۱/۱۳۹۸ | لە شاری ئامول لە کاتی کارکردن لە بینایەکی چەند نهۆمی بەربۆتەوە و گیانی لەدەست داوە | گیانی لەدەست داوە | سەوڵاوا | سینا عەلی‌رەمایی | ۶ |
| ۱۳/۱۲/۱۳۹۸ | کرێکاری ئاڵماتۆڕبەند بووە و بەهۆی تەزووی کارەبا گیانی لەدەست داوە | گیانی لەدەست داوە | بانە | خالید ڕەحیم‌نیژاد | ۷ |
| ۱۶/۱۲/۱۳۹۸ | بەهۆی تەزووی کارەبا گیانی لەدەست داوە | گیانی لەدەست داوە | سەردەشت | مەسعوود محەممەدی | ۸ |
| ۲۷/۱۱/۱۳۹۸ | لە هەولێر لە کاتی کارکردن لە بینایەکی چەند نهۆمی بەربۆتەوە و گیانی لەدەست داوە | گیانی لەدەست داوە | خۆی | عەبدوڵڵا سۆفی | ۹ |