خۆڕاگری: ڕۆژی دووشەممە ١٦ی خاكەلێوە،چالاكی مەدەنی كورد ”ئەفشار فەتحی”،خەڵكی گوندی ”تەنگیسەر”ی سەر بە ناوچەی ژاوەرۆی سنە پاش كۆتایی هاتنی دەورانی مەرەخەسی گەڕایەوە گرتووخانەی ناوەندێ سنە.ئەو چالاكە مەدەنییە لە كۆتاییەكانی ساڵی١٣٩٩ی هەتاوی نێردرابوویەوە مەرەخەسی.
ئەفشار فەتحی ڕۆژی شەممە ١٩ی ڕەزبەری ٩٩ی هەتاوی،بە مەبەستی تێپەڕاندنی ماوەی حوکمی یەک ساڵ بەندکرانەکەی، خۆی بە بەندیخانەی ناوەندیی ئەو شارە ناساندبوو.شایانی باسە کە ئەفشاری فەتحی ڕۆژی دووشەممە ٢٠ی ڕەشەممەی ٩٧ی هەتاوی دوای بانگ کران بۆ ئیدارەی ئیتلاعاتی سنە دەستبەسەر و دوای دوو حەوتوو بە دانانی بارمتەی ٥٠٠ میلیۆن تمەنی بە شێوەی کاتی ئازاد کرابوو.
ئەو چالاکە مەدەنییە دواجار مانگی خەرمانانی ساڵی ڕابردوو لەلایەن لقی یەکەم دادگای شۆڕشی سنە بە سەرۆکایەتی دادوەر سەعیدی حوکمی ٦ ساڵ بەندکرانی بە سەردا سەپا.
ئەفشار فەتحی لە دادگای پێداچوونەوەی پارێزگا بە تۆمەتی ”هەوڵدان دژی ئاسایشی نەتەوەیی“ حوکمی یەک ساڵ بەندکرانی بۆ بڕایەوە.
ماڵپەری ئەنجوومەن:https://xoragri.com/?p=3320
فەیسبووك: https://www.facebook.com/anjumanizindanian
تلگڕام:@xoragre
ئنستا: https://instagram.com/defence.of.political.prisoners..